Kay Betty Jerez kamachiy killkak, Derechos Colectivos Comunitarios y la Interculturalidad minkashkaman yaykurishka, Mamallaktapi paktarakita, paktakayta charinkapa tukuyllapak llaktayta rimanakushpa katin, kunan 24 puncha, sitwa killamanta Chambiato ayllullaktapi kallarinka, kipaman wacha, 25 puncha, Bolívar shulkapi rimanakuyta charinka, inti, 26 punha, García Moreno shulkapi, Guayrapata ayllullaktapi pusharinka.
Chaypimi, ayllullakta, Mamallakta mutsuykunata rimanakunka, Mamallakta Tantanakuy kamachiyta arinishkawan llaktakunata yanapashkata rimanka, chay kamachiykunawan hayñunata sumaychashkata, charishkakunata paktarakina hawa rimankaunka, shina Ecuador llakta llakikuna ashayachun wallpanka.
Chay Pelileo llaktapi, Sigualó ayllullaktapi llankayta paktachinkapa, Productores Agrícolas Sigualó Alto tantariwan, Chiquicha shulka pushakwan rimankurka, shinallatak Asociación Agrícola Vida y Progreso yaykurishka runakunawan imashina charishkata rakinamanta rimarkakuna, kay Mamallaktata mushukyachinkapa kamachiyta arinishka kan nirka.
Kay Diálogo Nacional por la Equidad y Justicia Social llankaykunawan, Ecuador llaktapi llakta ushayta, paktarakita, paktakayta charinkapa hatun rimanakuyta rurankapami yuyarikunchik nirka.
Kay rinakuypak kallari yuyayka: pakta yuyay runakuna tukuchun, charishkakuna tukuypak kachun, mana shukpaklla kachun, llaktayukkuna llankachun, llakta ushaypi tukuykuna kachun, llaktayukkunapak llankayta, hayñita kamana.
Kay rimanakuykunataka kimsa killapimi paktachina kanka, kipaman imashina paktashkata, pushakkuna llankashkata rikunka. Mana pacha paktakpika rimanakuna pachata mirachinami kanka, tukuy llaktakunamanta runakuna chaypi kachun yuyaymi kan.
GC/pv/jc-kichwa
