Kay Federación Nacional de Trabajadores Agroindustriales, (Fenacle), tiksi Frente Unitario de los Trabajadores tantarikuna paktaraki, paktakay hatun rimanakuyman yaykurinkuna, paykuna charikkuna charishka alli rakirichun mañankuna.
Kay Darwin Matute Chávez, Fenacle tantarita pushak, Mamallakta Tantanakuypak llankayta yanapan, charikkuna, takakkuna kay llakta llankachun mana sakikukta achkata llakirishpa rimarka, kay Ecuador llakta mushukyarichun mana sakin nirka.
Chay llakikunata rikushpa kay rimanakuyka may allimi kan nirka, shina tukuykuna shuklla yuyaywan llankankapa, llankakkunapak llakikunata kishpiychinka nirka, kay Fenacle tantarika tukuy runakuna alli kawsayta charichunmi yanapan nishpa rimarka.
Kay Fenacle tantaripash, FUT tantaripak ukupimi kan, chaymanta kay tanatriman kimirishka tanarikunata pushakkuna tapuchun mañanchik nirka, shinami paykuna mañakushta shinchiyarishpa mañanka, Matute pushak, chay kuyurimuy, waktaykuna ñukanchikpa Mamallakta llakichin nirka.
Shinallatak FUT pushakkunata ama takankapak kuyurimuchun, llankaykunata ama shayachichun nishpa kayarka, Mamallakta, Mamallakta Tantanakuy rimanakuyman kayashkaman shumuychik nirka, kapukyachishpa llankay charik runakuna Hatun Kamachikkuna rimanakuyman shamuchun, nishkata uyankami nirka. Shinallatak 8 yupay churashka kamachiy, runakunata hapishpa llanchachishpa ashalla kullkita kushpa llankachik ñami tukurirka.
Kay Código de Trabajo kamachiyta llankachun mañarka, kay kamachiymi llankakkunapak llakita tukuchik nirka; kay Consejo Nacional de Trabajo y Salarios kay llanakukta hapichun nirka, paykunami llankakkuna llaktay kamayta charinchun wallpanka nirka.
Yapashpa, kayAcuerdo 184 de la Organización Internacional del Trabajo (OIT) churashka kamachiy paktarichun mañarka, tarpushpa llankakkunapak allimi kan nirka; shinallatak kay Servicio Público Hatun Kamachiy allichirichun rimarka, kaymi Código del Trabajo kamachiypi yanaparishpa llankakta yanapanka.
Ña tukuchinkapa, hatun rimanakuyman llankakkuna shamuchun mañarka, chaymi kunanka shuklla yuyayta charinkapa ñan kan nirka. Ñukanchik kaypi rikuchishkata hapichun nirka, kay yuyaykunami tukuy runakuna llakta ushayta charichun yanapan nirka.
PV/jc-kichwa
