Hatun rimanakuypi paktakay, paktaraki hawa rimay karka, tawka tantarikunamanta pushakkuna, llankak tantarikuna rimashkawan kimirirka, Ecuador llaktapak llankakkunapak yuyaykunata, wipalata, kullkita charikkuna hapishpa, paykuna kishpiychikshina kunanka rikurishka hawa rimarka.
Rimanakuyka Mamakamachiy mushukyarinamanta, tukuyllapi llaktakkuna tantarinamanta karka. Tukuy runakuman sumak kawsayta charinkapa mashkanchik, chaymanta rimanakuyman paskarinchik nirka, makanakuyta, yanka kaparishpa mana maymanpash chayashunchu, kay Código Integral de Trabajo kamachiyta pushana nirka.
Kay Marcelo Solórzano, Confederación de Trabajadores Públicos del Ecuador pushak, Mamakamachiypak 229, 326 nikikunata allichina, shinallatak Organización Internacional del Trabajo (OIT) kamachiypak 87, 98 nikikunawan takarin nirka, kaypi kishpiyrishka tantarina, wankurishpa llankayta hapik runakuna hawa rimarka.
Kay Virgilio Suárez, chay Confederación de Trabajadores de la Seguridad Social, Mamakamachiypak 10, 11 nikuna hawa rimarka, churashkalla nikitapash rimarka. Kay 2015 watapak paya llankakkunapak kullkita rimashka, kay kullkiwan yanapay kunanka sakirishka nirka.
Kamachik Joaquín Chaluiza, kay Trabajadores del Ministerio de Salud, kay mushukyarikuk Mamallakta ñukanchik mana rimankuyta charikpika urmanka nirka, charikukkunaka llankaykunapak wiñaykawsayta hapinata mana ushanchu rimarka.
Kay Jaime Arciniega, Parlamento Laboral tarimanta, rimankuykuna ashtawan shayarinami kan, chaymi runakunapak yuyayta paktachika, mana willashpalla llankaymanta surkuchun punku paskashkami kan nirka, pushak karikuna mana llankakukpi, chichu warmikuna mana llankakpi surkunkallami rikurin.
Kay Henry Montaño, Sindicato de Trabajadores de Petroecuador tantarimanta kachashka, ñukanchik llankakkunapak hayñikunata allichichun kay rimanakuypi kanchik nirka. Llankak tantarikunata anchuchikpika, Mamallakta charishkakunatami anchuchinka nirka, ñukanchikmi eléctricas, telefónicas, petróleo ama shukpaklla makipi ama sakirichun harkarkanchik rimarka.
Kay John Reyes, Comité de Empresa de los Trabajadores Petroleros killkakamayuk, hatun kamachikmanta punka llankay yuyarikuna Mamallakta yanapankapami ruran nirka, ñawpakpika 80% patsakritami ista llankaywasikuna aparka, Ecuador 20% patsakri kullkitalla hapirka, kunanka rimankuywan takakkunata harkashun rimarka.
Kay Gustavo Zurita, Central de Trabajadores Autónomos kachashka, Mamallakta paykunaman shuk manuta charin nirka, llankana kuskapi unipak llankachun kamashka kanka, shinami 49,35% patsakri runakuna llankashpa kullkita wiñachin nirka.
Pushak Liliana Durán, kay Foro de Mujeres de la Central Unitaria de Trabajadores, achka pushak, kuna punchanta ñakarishpa shamushkamantami llankakunapak llaktay kawsay, tantaripash shayarishka, waka kawsayta, tsiknikuna washaman sakirishka. Sisata tarpuk llankakkunaka manarak llankayman yaykurikpi chichu kashka, mana kashkata rikunkuna nirka.
MG/pv/jc-kichwa
