Mama, Gabriela Rivadeneira, Mamallakta pushakwan wacha, 31 puncha, sitwa killapi, Mamallakta Tantakuypi, paktaraki, paktakay hawa tantarirka, Comisión de los Derechos de los Trabajadores minkashka, Comisión Ocasional de Emiendas a la Constitución minkashkakuna tantarirka.
Kay rimanakuyman, tantarishka runakuna, kamachikkuna, marka pushakkuna kaypi kanka, paykuna mañashkata allichinka, paykuna rimashkata uyanka.
Chayman Federación Nacional de Obreros de los Consejos Provinciales del Ecuador tantari; Comité Único de Trabajadores; Federación Unitaria de Trabajadores tantari; Parlamento Laboral tanari; Directores Regionales del Ministerio de Trabajo pushakkunawan, minkashkaunwan rimanakunka.
Kamchiy killkakkunwan, llaktayukkunawan kallarik rimanakuyka, 10:00 sayllamanta kallarinka, chayka, José Mejía Lequerica ukupi, Mamallakta Tantanakuypak wasipi kanka.
Mamallaktata paktakay, llakta ushaywan kachun munan, chay Comisión de los Derechos de los Trabajadores y la Seguridad Social, Marllely Vásconez Arteaga pushakmi, llankana punchakunata churarka, Diálogo Social por la Equidad y la Justicia llankaymi kan, kapak killakamami paktanka Tungurahua, Pichincha, Guayas, Manabí, El Oro, Azuay, Santo Domingo, Santa Elena markakunatami hatu rimanakuyman yaykuchin.
“Kay kasilla Ecuador, paktakay, llankay; mana waktaywan, mana makanakuywan Mamallakta kachun shuyanchik, tukuykuna rimanakushpa hatun yuyaykunata surkunapi munanchik, hatun wiñarikuna tiyachun mañanchik”, shinami Marllely Vásconez kamachiy killkak rimarka.
Llaktayukkunwan rimanakushpa katishun, chaypimi runakunawan rimankushun, minkashkakuna llaktakunapi rimanakushpa katinka nishpa tukuchirka.
RSA/pv/jc-kichwa
