Kunan Mamallakta Tantanakuypi, Movilidad Humana kamachiyta atirishpa hatun rimanakuy kallarin, chaymanmi Gabriela Rivadeneira, Mamallakta Tantanakuyta pushak, kamachiy killkakuna chayarka; kamaywasita pushak kamachikkuna; tantari pushakuna, ista kamachikkuna, purikrunakunata rikuk kamachik; llaktayukkunapash shamurka.
Shamuk runakunaka purikmi kanka, chaypakmi kamachiykunata arinkina kanchik, shinami Fernando Bustamante kamachiy killak rimarka, payka kay Comisión de Asuntos Internacionales minkashkata pushakmi kan. Shinallatak Linda Machuca kamachiy killkak, Grupo Parlamentario por los Derechos de las Personas en Movilidad Human tantarita pushakmi kan, kay kamachiyka suyupi, Ecuador llaktapimi llankakrin, tukuy purik runakunatami rikunka.
Kay mushuk kamachiyka 16 puncha, sitwa killapi yaykurirka, (CAL) tantari rikushkami kan, payka 4 puncha, karwa killami rikurka. Kallari atinakuypak Comisión de Asuntos Internacionales minkashkami allichinka.
El cuerpo legal se sustenta en tres pilares: seguridad humana, derechos humanos y Buen Vivir. Linda Machuca explicó que con este instrumento, que pone en práctica los principios en favor de las personas en movilidad, la Asamblea cumple con el compromiso que adquirió luego de la aprobación de la Constitución del 2008. Era una deuda pendiente y ahora es una realidad, afirmó.
Kay kamachiyka kimsa tiksitami rikuchin: runakunata kamana, runapak hayñikunata, Alli Kawsayta charichin. Linda Machuca kamachiy killkak, kay hillaywan purik runakunata alli ñanpi churan, Mamallakta Tantanakuy arinishkata paktachin, Constitución del 2008 rimashkata paktachin, kaymi manu karka, kunanmi rurashpa paktachin.
Kay Machucha kamachiy killkak, Bustamante kamachiy killkakpash, kay kamachiyta killkashpa katinaka shuk hayñimi kan, kawsaypak shuk llankaymi kan, runata yanapaymi kan. Shamuk runakunapak kawsayka purina kawsaymi kan, tawka sami kawsaykuna, runa kawsaykuna, kawsaytarpuykunami tantarin, shinami Bustamante rimarka.
Kay Movilidad Humana llankayta pushak, María Landázuri, kay kamachiy, mana kamachiywan, mana alli purina kaktami willan. Ashtawankarin paktapakta, yaykurishpa, yanaparishpa kachunmi llankan. Kay kamachiyka Constitución de Montecristi rimashkata paktachin, ista wasiwan llankaytami mushukyachin.
Kamachiy killkak Machucha, 70 watapi killkashka ista kamachiyka, kunan Mamakamachiywan kamaypi, rikuypi, awkikaypi mana pakta yuyayta charinchu, purik runakuanta ancha llakipimi charimushka.
Kay kamachiyka, purik runakunatami achkata yanapan, hawaman churan, mana llakichinchun Bustamante kamachiy killkak rimarka, ñawpa llakikunata anchuchichunmi shuk mushuk kamachiyta mutsunchik nirka. Kay llaktayukkuna sumak kawsayta charinami mutsurin.
Kay mushuk kamachiyka 184 nikitami charin, hatun ushaykunatami charin, sakirishkakunatapash paktachinmi. Kay kallari rimanakuypika kay kamachiytami rikuchninata munanchik, hatun atinakuyta ruranata munanchik. Tukuy rimaykuna chimpapurashpa uyarinka, shinami mushuk kamachiy allita killkarinka. Kunanmi ña kamachiy rimakuy kallarirka, shinami Linda Machucha kamachiy killkak rimarka.
LM/jc-
