Shukniki, ishkayniki, kimsakini tantarikumanta 80 runakuna ayllakta tantarita charirka, kay rimanakuyka Mamallakta Tantanakuypi pusharirka, kaymi Justicia y Equidad Social hatun rimanakuy kan, kaypi tawka tantarikuna karka.
Kay rimanakuyman, Gabriela Rivadeneira Mamallakta Tantakuyta pushak karka, kay Soberanía Alimentaria minkashkakuna, achka kamachiy killkakkuna karka. Kaypimi Reforma Agraria kamachiyta imashina kanamanta rimanakurka.
Kay Rómulo Quimis, kay Confederación Nacional de Afiliados al Seguro Social Campesino del Ecuador (Confeunascce) tantarimanta, kay tantarika 20 waranka llaktayukkunata charin, Seguro Social kamachiyta mushukyachichun nirka, chaywan Banco del Instituto Ecuatoriano de Seguridad Social (Biess) kullkita mañachinka, imashina runakunata hampinamanta allichichun nirka. Shinallatak Transporte Terrestre kamachiyta allichichun rimarka, uchilla aparik antawa.
Mamallakta Pushakta utkashpa, karuman chayashpa kullkita mañachichun, Mamallakta runakuna mutsushka kapukkunata katuchun nirka; yakupak achka kullki tiyachun; sumakruray tiyachun; tarpuypak mushuk mañaykuna tiyachun nirka.
Shinami Viva la Revolución Ciudadana, Luis Zimbaña kaparirka, payka Confederación Intercultural Campesina del Ecuador (Amaru) tantarimanta karka, hatun kamachikpak llankayta ashtawan ayllullakta ukuman pushana nirka, runakunapak kullkita mirachina nirka, kapukyachik sapipi churachun, wallpaywan, sapsi llankaywasikunata mirachina nirka. Wakcha “pobrecitos” shinata ama riksichun, kay 5 hunu paklla runakuna kanchik rimarka, kimsa saylla pakarinamanta llankanchik, pakllamanta, kitimanta tantarishun rimarka.
Kay Rómulo Guamán, Eloy Alfaro hatun tantarimanta, Mamallakta Tantanakuy awki mikuna tiyachun, Allpa Kamachiywan allpata paktapakta rakichun nirka. Chay kamachiypi imashina pachamamata yanapanka, runakunatapash yanapanata rikuchichun nirka. Kay kamachiyta killkakushpa llaktakunata tapushkamanta yupaycharka.
Kay Anita Taco mamapash allpa hawa shinallatak rimarka, payka Confederación de Pueblos y Organizaciones Indígenas Campesinas del Ecuador (Fei) tantarimanta karka, 350 ayllullakta tantarikunami wankurin. Allpa kamachiy arinirichun rimarka, chay mutsuyka 1929 watapimi kallarirka. Kay Revolución Ciudadana alli llaktayta charichun, hatun kamachik ushashkata Ashtawan sinchiyachishpa katichun mañarka .
Kay Ecuador llakta kasiklla mushukyachun mañarka. Shinami Darwin Matute, kay Federación Nacional de Trabajadores Agroindustriales pushak rimarka, (Fenacle) tantarimantapash rimarka, manarak Código del Trabajo kamachiy arinirikpi kay yuyayta churarka. Shinallatak Banco Nacional de Fomento al Banecuador kullkiyuk wasi, ama wasilla, shutilla kachun nirka, tarpuy llaktayta charichun, kullkita mañachichun. .
Kay rimanakuyta tukuchinkapa, kay José Mejía Lequerica ukupak hawaman, urayman, kanchapi taririk runakuna, rimanakuna patakukuna tiyarka, chaypimi mañaykunata churarka.
LM/jc-kichwa
