Kaya Mamallakta Tantanakuy ishkaykutin tantarita charinka, Gabriela Rivadeneira, Mamallakta Tantanakuy kayashka shamunka. Shinami, 09h45 sayllataka Ecuador y Uruguay llaktawan yuyarita rimanakunka, Seguridad Social kamachiy hawa kallarik atinakuyta charinka,11h00 sayllataka, Educación Intercultural kamachiyta Mamallakta Pushak rikushkata atinakunka.
Kay Gabriela Rivadeneira Burbano, Gabriela Rivadeneira, Mamallakta Tantanakuyta pushak Función Legislativa Hatun kamachiypak, 12 niki, 3 yupayta hapirishpa, 344 yupay tantarita charinka, kaya 9h45 sayllata kallarinka.
Kaya puncha rimanakuypak pankapi Soberanía, Integración, Relaciones Internacionales y Seguridad Integral hawa atinakuna hawami charin, chaypimi "Convenio de Cooperación entre el Gobierno de la República del Ecuador y el Gobierno de la República Oriental del Uruguay llaktawan yuyarinata charin, chayka: charishkuna ukllana, wakaychina, kawsay paktarakina, karu llakta shuwashka, uchilla nipakunata hapishka, kutintak tarina, upalla apashka, purichishka, mana kamachiywan katushka hawa rimanka". Ashtawan, kay Seguridad Social kamachiyta mushukyachina, kaywan Instituto Ecuatoriano de Seguridad Social kamaywasiman llankakkunata mana yaykuchishkamanta wanachina hawa, kamachiywan kichkichina hawa rimanka. Kay 11h00 sayllata, Mamallakta Tantanakuy rimanakushpa katinka, kay tantaripi Educación Intercultural kamachiyta Mamallakta pushak rikushkata allita riksininka.
Kay Educación Intercultural kamachiyta allita riushpa arinanika, chaywan Especializada de Educación, Ciencia y Cultura minkashka atinakuypak kamachiyta allichishpa katinka, Mamallakta Tantanakuy sarun 23, 30 punchakuna, raymi killapi runakuna yuyaykunata churashkawan achikyachishka sakirirka.
Kay 8 niki hawami ashtawan rimanakuy katirka. Yachachikkuna 40 sayllata sapan hunkapi yachachinata charina hawa rimarirkakuna. Yachachikuna hunkapi sukta sayllata yachachina wasipi llankana, kutin ishkay sayllata kanchaman llankanata rikuchin, yachayta mushukyachinka, ashtawan yachana kanka.
Correa Mamallakta Pushak, yachay llika mutsurishkamanta sukta sayllata yachachishpa mirachina ushanmi nirka, shinami pusak sayllaman paktanka, chaytaka Nivel Zonal Intercultural y Bilingüe kamaywasimi rikunata charin nishpa willarka.
Shinallatak, Mamallatapi Hatun Yachaykamayuk, shukpaklla yachana wasikuna yachachikkunaman llankaymanta kullkita mirachina mutsurikpika, yachakukkuna shutita killkachishkamanta asha kullkita mirachinka wichiyachichun shuk willayta llachkanka. Shinallatak shuk mutsuykuna tiyakpipash shinallatakmi rurana.
PV/jc-kichwa
