Kay Juan Kay Carlos Cassinelli, purik runakunantin shuk hunkata, Mamakamachiy mushuyana hawa rimanakuyta charinka, kay llankaytaka kuyurik shuyuwan Ecuador llaktamanta chayachinka, kuski killapi kanka.
Kay rikuytaka Europa, Asia, Estados Unidos, Latin Apyayala llaktakunapi kay Ecuador llaktamanta kachashkata rikunka, chaypimi 16 Mamakamachiypak nikikunata minkashka kamachiy killkakkunantin riksinka, atinakunka. Tarik yuyayta, yanapak yuyayta churanka, shinapash tukuykuna sumaychaywan kanka. Kay rimanakuywan, yachaykunawan runakunata yaykuchik Mamakamachiy tukunka, Cassinelli shina rimarka.
Kay willaytaka Azuay markapi, Cuenca llaktapi shuk markakunapi Diálogo Ciudadano tantarita rimanakushkami kan nishpa tukuykuman willarka. Chaypimi Mamallakta Tantanakuy pay llankayta charishkata paktachichun nirka. Mamakamachiypak 16 rimanakuchun Corte Constitucional churarka, kay llankayta Mamallakta Tantanakuy pushachun churarka.
Chaymantami tawka runakunata, tantarikunata llaktay yuyayta churashkata uyankapa kaypi kanchik, kay llankaypi llaktakuna paykunapak yuyayta kishpiyrishka rimanka kan. Mamakamachiyta mushukyachinata yanapakkunata mana uyashunchu Cassinelli rimarka.
Chaymanta llankakkunata uyashkanchik, shinami kay llankayta pushak rimarka, kay Orgánica del Servicio Público (Losep) kamachiyta takashpa rimarka. Shinapash alli kamachiy kachun ishkantin killkashun.
Kay Cassinelli kamachiy killkak, kay punchakunapi kaparinkapak hatarikuna, ñankunata harkakta hamirka. Kaparikkuna, waktakkuna kutintak akllarina hawami yallita mitsarishka, shuktak 15 nikikuna hawa allitami rikushka nirka.
Willakkunapak ñawpakpi, Mamakamachiypillatakmi mushukyarichun riman, Corte Constitucional rimashka kipa Mamallakta Tantanakuy kay llankayta pushachun riman. Llaktaman chayachunka mana rimanchu, ñukanchikmi llaktakuna riksichun arinishkanchik, chaytami alli kakta rikunchik.
Wayru killapimi llaktakunapi yuyayta churashka kay llankayta minkashka kamachiy killkakuna atinakunka. Achka hillaykunami tiyan, kaykuwan alli Mamakamachiy killkarinka, ishkayniki atinakuyman yaykurinka rimashpa tukuchirka.
LM/pv/jc-kichwa
