Kay Comisión de Educación, Cultura, Ciencia y Tecnología, kay Raúl Abad kamachiy killkak pushashka, pay José Andrade kamachikman shuk willayta kacharka, payka Universidad Yachayta pushakmi kan, kaya 09:30 sayllata chayamunka.
Shinami, 113 tantaripi, Andrade yachay kamachikka, Ximena Ponce, Wilson Chicaiza, Ricardo Moncayo, Moisés Tacle, Teresa Benavides, Noralma Zambrano, Armando Aguilar kamachiy killkakkuna tapushakata tikrachinatami charin.
Tapuyka mashka kullkita kay Hatun Yachanawasi chaskishka hawami kanka, chay yachanawasi llankay kallarishka punchamanta kunankamami willanka; shutikunata, yachashka pankakunata, hatun yachanawasipi imashina llankashkata, minkashkakuna llankashkata willanka, kay Comisión Gestora llankashkata rikuchinka.
Kay Yachay yachanawasipak kamayta kamachiywan nikikunata sakichishkamanta, shinallatak llankay ñankunata, amawta yachaykunata ukllana kakpi sakichishka hawa; chikan chikan yachana linchikunata sakichishkata tapunka; hatun yachanawasi tiyak yachanakunawan, Plan Nacional de Buen Vivir llankana ñanwan wilanka, chaykunata kamachiy killkakuna mutsun.
Kipaman,kay llankaykunata minkashka, Código de los Conocimientos, la Innovación y Creatividad- INGENIOS kamachiy kallari atinakluyman chayachun willaykunata allichikun.
MG/pv/jc-kichwa
