Chay Ibarra kitipi, kay equidad y justicia social rimanakuy pusharirka. Gabriela Rivadeneira, Mamallakta Tantanakuyta pushak, kay rimanakuykunaman chayashpa Ecuador llaktapi kawsak kari warmi runakuna kay 8 watapi imatalla llankashkata rikunata ushan nirka, shina tukuylla llaktaypi imatalla llankana illakta rikuchinka.
Kay rimanakuymanta kallarishpa, imashina rimanakuykunata rurashpa katinkapa shuk ñanta mashkana, Kamachiy killkak rimarka, sapan patakukunapi llaktayukkuna rimashkami sapi yuyay kanka nirka.
Mamallakta Tantanakuy sapan patakupi kamachiy hawa rimanakushkata rikunka, chay yuyaykuna mashnata Ecuador llaktapi tiyak runakunapak kawsayta yanapakta rikunka, imatalla mushukyachinata rikuna, Gabriela Rivadeneira rimarka.
Mamallakta Tantanakuyta pushak, kay Comisión de Educación llankayta, samarishka kipa rimanakuna nirka, chaymantami Educación Superior Hatun kamachiy hawa rimanakunka, shina Yachay Yachanawasi pushakta kayanka, shinami Gobierno de la Revolución kamachikpak llankayta hawaman rikuchinka. Shinami tukuy minkashkakuna llankakun, paktapakta kawsay tiyachun llaktakunapipash llankana nirka.
Paymanta, Pabel Muñoz hatun kamachik, (SENPLADES) kamaywasita pushak, Mamallakta Tantanakuy equidad y justicia social kashkamanta naparka, Gabriela Rivadeneira llankashkata allita rikurka, kay hatun kamachik kallaripi llankayshina, llaktakunapi rimanakuyta charina may sumakmi nirka.
Llaktayukkuna kay equidad y justicia social kay Ecuador llaktapi charinka, kanchis hatun rimanakuypi yuyaykunata hapina nirka, chaypak 163 rimanakuykunata rurashkanchik, 1600 tantarikunawan rimanakushkanchik nirka; chaypika 27 waranka llaktayukkuna chayashka, 840 kikinllatak karupi kamachikkuna (GAD) yanaparka.
Kay SENPLADES hatun kamachik, Mamallaktapak Hatun kamachikpak shuk hillaymi kanka nirka, kay llankaykunawan llaktayukkunapak yuyayta chaskirin, takakkunapak yuyaytapash chaskirin nirka.
Kayashkata yalli runakuna chayamurka, tawka tantarikunami paykunapak kitikunapi rimanakuyta rurarka, shulkakunapipash rurarka; chaymantami kamachiy killkakkunata yupaycharka, tawka tantarita pushakkunatapash yupaycharka.
GC/pv/jc-kichwa
