Kay David Murillo, 80 watata charik, ruku kashkamanta upallalla rimashpa, Cuenca llaktapi kamachiy killkakkunata yupaycharka. Kay watata charishpami kunan kay hatun kamachikkunata napani nirka. Mañashpa ñukapak apuchita kunkapa ñami sakirishka kani, kaypi kashpa rimankapaka chayrakmi ushani, chaymantami kaypi kani, ashtawan katinipash. Kunan Cuenca llaktapi kan, rimanakuymi yalli alli kan.
Murillo achka chunka llaktayukkunamanta, paymi kay 14 Enmienda Constitucional minkashka, Santa Ana llaktapi pusharishka kan, kutin shuk 13 tantarikunataka, shuktak kitikunapi, shuktak markakunapi pusharishka kana, chaypimi Mamakamachiypak mushukyarina 16 nikikunata atinakunka.
Kay llankayta minkashka yanapashpa, harkashpa runakunapak rimaykunata uyarka. Tukuykuna shuyashka rimayka, akllaymantami karka, Mamakamachiyta mushukyachina, kaytaka llaktayukmi arininta charin Takarikkuna 82% patsakri llaktayukkumi tapuchun munan nirka, kaytami shuyachun nirka,( 2017 watapak akllarinata yuyashpami shina nirka, kaytami manchan Fernando Cordero hatun kamachik rimarka, payka Defensa hatun kamachikmi kan.
Kay 82% patsakrika, Guillermo Lasso, Creando Oportunidades (Creo) kuyirimantami kan, shuktak kamachikkuna yanapashka yaykurirka, Fausto Cobo, Betty Amores kamachiy killkakkuna chaypi karka, tawka katikkunapash karka. Paypak rimaypika, llaktayukkunata ukllani nirka, Mamakamachiy mushukyayta chaypi sakichun nirka.
Hatun ukupi, manarak uku hunta kashpa, tawka llaktayukkuna rimayta charirka, paykunaka Mamakamachiy mushukyanamanta tawka yuyaykunata churarka.
Chay Azuay hatun kamachik, Leonardo Berrezueta marka pushak; shinallatak Mamallaktapak kipapushak Rosana Alvarado; shinalllatak Fernando Cordero Hatun kamachik, kiti ayllullaktakunata, shukta tantarimanta pushakunata, Creo tantaripak pushakkunata kishpiychichun mañarka, shinapash tantarina ukuta sakishpa llaktayukkunata mana sumaychashkamanta, shuktak llaktayukkuna rimashkatapash mana uyashpa shina rirkakuna.
LM/pv/jc-kichwa
