Kay Comisión de Justicia minkashkata pushak, Mauro Andino kamachiy killkak, Mamallakta Tantanakuyta pushakman, Procurador del Estado kamachikman ña lluksishka kamachiy killkakkunata wanachinkapa rikunata charin, paykunami Corte Suprema de Justicia y del Tribunal de Garantías Constitucionales kamachikkunata, 2004 watapi surkurka, chaymantami Mamallaktaka chay llakirishka runakunaman kullkita kurka, Corte Interamericana de Derechos Humanos hayñipi hapirishpami paktachichirka.
Kay wanachina pankawanmi kutintak hañita charinawan llakita rurakkunata wanachinka, shinami Mamakamachiypak 11 nikipi, 9 yupaypi riman nirka, ñawpa Mamallakta Tantanakuyka kamachiyta pakishpa, millashpami kishpiychikkunata surkushpa kacharka. Mamallaktaka kamachikkunaman, kishpiychikkunaman 15 hunu kullkita kushkamanta, 12 hunu kullkita tikrachichinami kan nirka.
Kay Corte Interamericana churashka wanachiyka, Mamallaktatami supaycharka, kay Tribunal de Garantías kishpiychikkunaman, Corte Suprema kamachikkunaman, 12 hunu, 353 waranka, 709 dólar, 39 patakunta kuchun churarka, chaymanta 8 hunuta ñami kushka, puchutaka ayriwa killa, 2016 watapimi kunata charin.
Kay llakita katikuk Mamallakta Tantanakuypak Secretaría General ukumanta Lucio Gutiérrez Mamallakta Pushak kashpa pankakunata churashka mutsurin, ishkay arinishkata, mayhanlla kashkata yachakchayankapami pankakunaka mutsurin. Chaykunata riksishpami sapan llukshishka kamachiy killkakkuna mashna kullkita tiktrachinata churanka, kay manuka churikunaman, aylluman, sakirikkunaman chutarinka.
Yallik Mamallakta pushak Lucio Gutiérrez kamachiyta pakishpa chay Congreso Extraordinario tantarichun kayarka, kay tantaripi Corte Suprema y del Tribunal de Garantías kamaywasipi llankak hatun kamachikkuna surkurka, shinallatak shuk hatun kamachikta shayachirka, kay “Pichi Corte” kamaywasita chinkachirka. Kay tukuytami Ecuador llaktapi kawsak runakunaka mana kunkarina kan, kapak killa, 2004 watapi llakikuna tiyashkata mana kunkarinachu kanchik.
MG/pv/jc-kichwa
