Kay Participación Ciudadana pushak, Fabián Solano, ishkaykutin atinakuchun Defensoría del Pueblo Hatun kamachiy kuski killapak ñami allichishka kanka. Kay llankayka achka pachakunatami apashka, chay pachamanmi achiklla killkashka kanka, kay killkakunaka Mamakamachiypak yuyaywan paktapaktami kanka.
Kay mushuk kamachiyka Participación Ciudadana minkashkapak llankaymi tukurka, Solano Pushak tukushka pachamantami shina tukurka, chayka aymuray killamanta shinanarka. Kamahchiy killkak, pay llankakushka pachapika achka kamachikkunatami chaskirkani nishpa riman, paykuna kamachiyta, amawtakuna, llaktakuna shamurka, kay kamachiy alli killkarichunmi yuyaykunata churarka. Tawka kamaywasikuna rikushpa kachashkatapash chaskishpa allichishkami kan, .
Kay kamachiyka Defensoría del Pueblo kamaywasita huchata rikuk kachun mana churanchu, runakunapak pachamamapak hayñikunata hichachunmi churan. Kay tukuripi rimashka, chay Montecristi llaktapi killkashka Mamakamachiytami ushnun. Kay kamachiyka 2008 watamanta llankakuk Mamakamachiyta churakkunawan mashiyarichun, mushukyarichunmi mashkan. 1997 watamantami Defensoría del Pueblo kamachiyka tiyan.
Chay Bolívar markamanta kachashka kamachiy killkak, hatun mushukyarikunaka ista llaktapi purishpa llankak runakunapak kawsaytami yanapashka. Chaypakmi Defensoría del Pueblo kamchiywasi chikan chikan ista llaktakunapi shuk kamachikta charichunmi yanapan nirka.
Kay Defensoría del Pueblo llankachunmi uchilla kamachiykunata, kallarikunata charin, kamaywasipak wallpata, Mamakakamchiypi rimashkata ukllachun yanapan, chayka mawyachikkunapak, mikukkunapak hayñikunata ukllashpa rikuchinatami shuk wankurita charin. Shinallatak mushukyarina, purichina churashkatalla, tukurik kuyurinata charin, kay Consumidor kamachiywan, Consejo de Participación Ciudadana kamachiywan tiyan, shuktakkunapash tiyanmi, Solano rimarka.
Kay Partido Socialista llaktay tantarimanta, kamachiy killkak kay mushuk kamachiy llukshichun ama harkaykuna tiyachun shuyani nirka, kay minkashkaman tukuy yaykurishkakuna, arinichun munani. Llaktay yuyayta mana charinchu, runakunapak hayñitami ukllan, nirka.
LM/pv/jc-kichwa
