Mamakamachiyta mushukyahinkapa minkashkakuna, Juan Carlos Cassinelli, kay llankayta runakunaman riksichinaka, achka llaktayukkuna tantarishpa yuyaykunata churanamanmi chayachishka, mana shuk tantarilla karkachu, chikan chikan tantarikunami chayashka, pataykuna kay rimanakuykunata yanapakkuna, takarikkunapash rimayta charirka.
Llaktakunapi ñami 12 rimanakuyta pushashka kan, shinallatak 90 minkashkakuna tantarishkami kan, nishunlla, 100 tantarikunata llaktayukkunawan tawka Mamallaktapak kuskakunapi charishkanchik, llaktayukkunaka achka munaytami charishka, paykunaka Mamakamamchiy imashina mushukyanatami ashtawan riksinata munashka.
Kay llankayta kallarinkapa, llaktakunaman chayana hawami ashtawan rikushka kan, Ecuador yunka llaktamanka 100% patsakri llaktakunamanmi chayashka. Punasuyu llaktakunamanka pichka markamanmi chayashka, mana marka uma kitikunamanlla chayashkachu, karu kitikuman, shulkakunaman, ashtawankarin Guayas markaman shina chayashkanchik, Guayaquil kitimanpash chayashkanchik, shinaka Pedro Carbo, Lomas de Sargentillo,Yaguachi llaktakunaman chayashka. Shinallatak El Oro, Manabí, Esmeraldas markakunapipash rurashka kan.
Puna llaktakunapika 90% patsakriman chayashkanchik, shamuk hunkapika Azuay, Bolívar, Cañar markakunapi kanka, chaywanka 100% patsakriman chayashun.
Antisuyupika 50% patsakri llaktakunaman chayashka kan, 3 markakunaman chayashkami kan, ñami sukta markaman paktanka, kipaman Galápagos markaman chayanka.
Kay Ecuador llaktamanta ista llaktapi kawsak runakuna hawa, kuski killapimi kuyurik shuyuwan karumanta paykunaman riksichishpa llankanka, shuktak allpapachapi tiyak llaktakunamanpash riksichinka, shina llankashpa ashalla kullkita tukuchinka, Ecuador llaktapak achka runa rimakta uyanka.
Chay España Mamallaktapika, Madrid, Barcelona, Murcia llaktakunapi purik runakunawan rimanakunka; Italia Mamallaktapika Génova, Milán llaktakuwan rimanakunka; Estados Unidos Mamallaktapika Connecticut, Nueva York, Nueva Yersey llaktakunapi rimanakunka, Venezuela, Argentina Mamallaktakunapipash rimanakunka.
Kay rimanakiuyta tantarikunawan, hatun maymutsurik tantarikunawan pushashkanchik nirka, paykunaka: antawa pushakuna, killu anta pushakkuna, Junta de Defensa del Artesano tantariwan; Academia tantariwan manarak tantarin, Comisión de Enmiendas minkashka llankayta pantachinkapa mana allita willakkunapash rikurirka.
Kaywan, kapak killakama ña allita killkashka kamuwan taririta rimarka, kay yuyaykunamawan Mamakamachiy allita mushukyanka nirka.
Tayta Juan Carlos Cassinelli, ishkay yuyaykunami rikushka kana rikurin nirka, tawka runakunapak ñawpakpi mayhan kashkata mana willarkachu, sasi killapak ña chay minkashka tantarishpa arinka nirka, paykunami ishkayniki atinakuypak arininka nirka, chaypimi Mamallakta Tantakuyman llaktayukkuna imatalla rimashkata riksinka, kapak killapimi ña tukuri rimanakuyta charinka.
RSA/pv/jc-kichwa
