Chay Los Ríos, Manabí markakunamanta sapsi hayñita charikkunami, kamachiy killkaykunapi karka, paykunaman Mamallakta Tantanakuypak Coordinación General de Participación Ciudadana pushashkami karka, runakuna mushuk kamachiyta kamachiyta killkachunmi yachachin.
Chay Babahoyo kitipi, Unidad de Técnica Legislativa (UTL) kamachikkuna, chay Consejos Nacionales para la Igualdad wiñachishkatami rimarka, runakuna kariwarmi, iñik, mita, rimay, kawsay chikan kashkamanta, shitashka kakpi hayñita kamana hawami rikuchirka.
Ayllullakta pushakkuna, wamrakuna, warmikuna imashina consejos de igualdad wallparishkata tiksishpa rikuchirka, kay kamaywasipak llankayta, imashinatatak runakunata, tantarikunata yanapakta rikuchirka.
Shinallatak, Unidad Técnica de Fiscalización y Control Político (UTFCP) kamachikkuna, imashina llankashkata rikuk, sapan tukuylla kamaywasikuna llankayta paktachishkata rikun.
Kay UTFCP llankayta rikuchinami ñawpa watakunaka, llaktay wanachiy shutita charirka, kunan pachaka Mamallakta sinchiyaymi kan, chikan chikan ushayta charikkunapash tukuylla llaktayta paktachishkatami rikuchirka.
Chaypi kak runakuna, shuktakkuna rimashpa imatak llaktayuk rikuyka kan nirka, llankashkakunata rikunkapa ima ñankuna katinata tapurka.
Chay Chone kitipi, kay Carlos Bergmann, Marllely Vásconez, Soledad Vela, Ricardo Zambrano kamachiy killkakkuna pushashka, Kamachiykuna killkay hawa kallari yachayta pusharkakuna.
Kamachiy killkakkuna, UTL kamachikkunapash Mamallakta Tantanakuy llankakushkata rikuchirkakuna, kamachiy killkakkuna llaktakunaman chayashpa llankakukta rikuchirka..
Ashtawankarin, manarak llakichik kamachiyta arinishpa tapushka hawa rikuchirka, chayka sapsikuna, ayllullaktakuna, yana llaktakuna, yunka llaktakuna, runakuna sapsi hayñita charishkamanta, sumaychan, ukllana hawapash rimarka. Kay tapuykunapi llaktayukkunami chaypi kanka rimarka.
Tukuchinkapa, kamachiyta killkankapa llaktayukkuna yuyayta churashka hawami rimarkakuna, chaypi llaktayukkuna, tantarikuna mushuk kamachiyta killkana hawa rikuchirka, chay mushuk kamachiytaka Consejo Nacional Electoral kamaywasipi 0.25% patsakri yanapashkami kanka.
Gcpv/jc-kichwa
