Yachakukkunawan, yayamamakunawan, kiti ayllullakta pushakkuna, kamachiy killkakuna, kiti kamachikkuna, paykuna hawa Gabriela Rivadeneira Mamallakta Tantanakuyta pushak rimarka, shamuk 22 puncha, kuski killapi, Mamallakta Tantanakuy Prevención Integral de Drogas kamachiyta ishkayniki atinakuypi tukuchinka, kay kamachiytaka sarun wanra puncha kallarirka.
Kay llankayta llaktayukkunaman riksichinkapa, paykuna rimashkataka, tapuykunata tikrachinkapa Damer kiti ayllullaktaman chayarka, chayka Inca llaktapimi sakirin, Quito hawamanmi kan. Chaymantami kay Contigo de Ley yachaywan, Mamallakta Tantanakuypak willana hillaykunata katishpa shuktak kitikunaman, Mamallaktaman, allpapachamanpash riksichirka.
Kay Movimiento por la Democracia y el Socialismo tantarimanta, Carla Delgado kamachik, Mamallakta Tantanakuymanta kamachaik, kay llankayka mushuk kamachiywan llankanatami mashkan, mushuk kamaywasitami mashkan, kayka Mamallaktapak makipimi kanka. Kay yuyaykunawan Mamallakta Pushakman kimirishka Secretaría Técnica de Drogas kamaywasita wiñachinka, kay llankayman Alli Kawsay, yachay, runakuna yaykurina, llakta ukuta kamak, Paktakay kamaywasikunata llankanka. Kay mushuk kamaywasi runakuna churashka kamachikta charinka, paktapakta Kunakwan charinka nirka.
Shuktak llankayta Mamallakta pushak rimashka, muspachik hampikunata harkana hawami kan. Kay kamachiyta arinishka kipami Mamallaktaka alli llankaykunata pushankapa, chay llankaypimi yachaymanta, allikawsaymanta pushanka, tukuylla llaktayta rimrachishpa katin.
Kay muspachik hampita ama hapichun hatun willanata kallarina kanchik, shinami Educación de Educación Intercultural kamchiyta ña allichishpa killkakunchik, yachana wasikunapi yuyay hawa yachakukkunata sapan yachana wasipi charina kankachik. Yachakukkuman wakakkunata uyachina kan. Shinallatak Ministerio del Interior, Mamallaktapi chapakkunawan kawsaytukunka, ista llaktakunapipash yachayta harkak rikurinka,
Kay llaki yachana wasi ukupimi rikurishka kan, chaypi yachakukkunawan achkata rimarina kan, aparina kipita sapan hunkapi mashkana kan, willashpa, yuyarina, yuyayta hapichina llankayta ashtawankarin wiñachina kan. Tukuy llaktayukkunata kay hawa llankankapa kayana kan, kay nipakuna ñami wanachishka kan nishpa willana. Kay hawa runakunawan rimarina allinmi kan, ima llakikuna uyarishkata, imashina kamarinata rinanami kan.
Mana kawsana sapita mushukyachikpika, muspachik hampita chupana, takana, shayrita tsunkana, machan yakuta upyana imashina shanun shillatakmi katinka, runakunapak kawsaypi mana mushukyayta rikuchunchu. Kawsana sapitami mushukyachina kanchik, mana shinashpaka harkana tupumi kallaripi kanka.
Kay Gabriela Rivadeneira Mamallakta Tantanakuyta pushak, uchilla miyuy hampita hatukkunata harkankapa sichiyachina nirka. Kay harkaywan mana tukuchirinchu. Kay uchill katukkuna sapalla mama kan, ayllupak umami kan, chay llakita watana wasiwan mana allichirinchu, Chaymantami tukuykuna sinchita llankana kan. Allichinkapa tawka rikuykunami tiyan.
LM/pv/jc-kichwa
