Chay Quisapincha llaktapi, Tungurahua markapi Mamakamachiypak 16 nikita riksichishpa, pakta runakunaka Mamallaktapak kullkita, tukuylla kamaywasita, shukpaklla kamaywasita pushanata, rikuchishka Rosa Elvira Muñoz shina riman. Chaymanta kay llankaykunata pushachun. Mamallakta pushachun punkuta paskana kan, chayta yanapashpa kari warmi Mamallakta pushak tukuchun 35 watamanta, 30 wataman urayachin, shina mushuk pushakkuna tukuchun shuk kuskata churachun yanapan.
Tantarishka kamachiy killkakkuna, Mamakamachiypak 441nikipi, 2 yupaypi kamachiy killkakkuna, chay Corte Constitucional kamaywasiman shuk mañayta chayachirka, chaymi Mamakamachiypak 16 nikikunata, Mamakamachiy mushukyay llankaypi allichichun arinirka.
Llaktakunata purishpa rimanakuypi 24.000 llaktayukkuna chayashka nirka, Mamallaktapak uchilla llaktakunapi 70% patsakri runakunami chayashka.
Kikinllatak pushak suyukunamanta rimashpa, Mamakamachiyta mushukyachinaka ima pachapi suyuyachina riman. Chay markakunapak kamachikkuna tantarishpami yaykurina, paykunapak kawsayta rikushpa yaykurinka.
Ayñi Ushaymanta rimashpa, Mamallaktapak awkikay, tantarishka allpakunata kamana hatun llankaytami charin, Mamakamachiy mushukyaypika Ayñi Ushay yapa yanapay llankaykunawan katichun riman, kay llankaykuna Ecuador llaktapi kawsak tukuy runakuman kawsaykamayta kushpa yanapachun.
Kawsaykamaypi, Mamakamachiypak 370 nikipi, FF.AA awkakuna, Chapak Kamachikkuna llankaypi payayakpi, Mamallaktami kullkita kushpa kamanka nin; shinallatak 372 nikipi, runakunaman kawsaykamayta churankapaka, kipaman kawsanata rikushpami llankayñanta churana nishaninmi.
Kutin, tukuylla llankakkunamanta rimashpaka, kay Servicio Público kamachiy kushka yanapayta, hayñikunata, mañashkata kushiyachishpa paktachinka; willaymanta rimashka Mamakamachiy mushukyayka willaykuna shuk hayñitami sinchiyachin, kay willaykunata tukuyllapak, shukpaklla, sapsikuna willana hillayta katishpami willaykunaka chayanka.
JLVN/pv/jc-kichwa
