Mamallakta Tantanakuypak 350 tantaripi, Gabriela Rivadeneira, Mamallakta Tantanakuy kullka, 1 wayru killaman kayashka, 10h00 sayllapi tantarinka, kaypimi kamachiy killkakkuna Código Orgánico del Ambiente kamachiy hawa rimanakunka.
Kay kamachiyka runakuna alli pachamamapi kawsachunmi hayñita kaman, sachawan, yakuwan, wiwakunawan pakta pakta kawsachun, shinami pachamamapak hayñita paktachikunchin, chaypi Sumak Kawsayta unipak charinata, pachamama ukllanata ushashun, kay munaytallatak paktachinkapa shuktak kamachiytapash churankami.
Kay Código Orgánico del Ambiente kamachiy kanchis kamuta charinka, kay kamachiytaka Biodiversidad Tantarita minkashka atinakuyta charinka.
Kallari kamuka hayñi, kamaykuna, tukuylla charik mañayta, shukpaklla llankaypi kak llaktayukkunata kallarita charin; I kamuka pachamama llikakunata karuman kachan hawa rimarka; II niki kamu, pachamamata charimushka kamu; pachamama charishkakunata, ukllashka kuskakunata, pampakunata wakaychina, makinchina, kikin sachakunata, tarpushka sachakunata ukllana, kitipi kawsak wiwakunata, tiyak sapikunata, kawsayta kamayta ukllana.
Kay III niki kamupi, pachamamata shuk makinchina llikata riman, harkay, pachamamawan llankana; mana wañuchik akllashka puchukuna, shitashkakuna; unipak kapukkuna, mikuna tiyachun; kutin IV kamuka, chirikunuk shuktayayta riman; V niki kamu mamakucha ukupi tiyak allpata, yunka allpakunata unipak charina; VI niki kamu wanachik, kamachiyta takana, wanachina hawa riman.
Kay Viteri Gualinga, kay Comisión de Biodiversidad pushak, kay kamachiyta killkankapa, kanchamanta patsak yachakkuna, llaktayukunata shamukkuna, amawta yachakkuna, tantarikuna, runa tantarikuna, pachamamamanta yachakkuna, hatun kamachikkuna, karupi kikinllatak kamachikkuna, ashtawan rimashkapak kay kamachiymanta rimanata charikkuna yuyayta churashmi kan.
Purik ayllukunata yanapashpa yuyari
Rimana nikipi, kamachiy killkakkuna purik ayllukunawan yanaparin, kay llakikunata sakichinkapa mushuk yuyarita killkana rikurin, Ecuador llakatmanta Italia llaktapi kawsak purikkuna hawa, kay Ministerio de Relaciones Exteriores y Movilidad Humana rimashkata hapishpa, chay llaktapi kimsachunka kari, warmi wawakunami paykunapak taytamamamanta rakishka kashka, paykunata kamak wasipi churashka kashka, chaymanta, shuk patsak chunka chusku llakikunami Ecuador llaktamanta llakikuna kan.
RSA/pv/jc-kichwa
