Mamallakta Tantanakuyta pushak, Gabriela Rivadeneira apukka kay kullka 01 puncha wayru killa, 09:30 tutamantami 347 niki rimanakuyta katinapak apukkuna kayachirka, kay rimanakuypika Orgánica de Prevención Integral del Fenómeno Socio Económico de las Drogas y de Regulación y Control del Uso de Sustancias Catalogadas Sujetas a Fiscalización rurarina kamachiypak killkatami riksishpa apushitankakuna.
Kay rurarina kamachiyka llaktayukta kawsaypi kay umachinkachina ama wakllichichun yanapanapak, shinallatak muspachik hampikunata rikuranapakmi kan, shinallatak kayshina kamachiyka utkashpa ñawinchiykuna, taripaykuna tiyachunmi yanapanka.
Kayshinaka, llaktapak kamachiyka llaktayukkunapakmi kan, tukuy mamallaktapi paktarinka, shinallatak mayhan ayllu umachinkachinapi urmashka kakpi yanapanka umachinkachina rurayta, mintalayta, umachinkachinata ista llaktaman katunata harkanka, wakichishkata chapanapak, aparishpa purikukta hapinapak, mayhan ruraypi yanaparikta, kutinpash hapishpa charinata harkanapak, shinallatak wakin hampikuna wakllichinalla kaktapash rikunapakmi kan.
Kay puncha llankanapika, Cotopaxi urku tukyakpi wakllirishka llaktayukkunata yanapanapak yuyarinakushka killkatapashmi rimanakunka.
JLVN/pv
