Kayna chishi Mamallakta Tantanakuyta, pichka Cubano runakuna Estados Unidos llaktamanta kishpiyrishkakunaman shuk riksishka pankata Mamallakta Tantanakuy charichirka, paykunaka manchachiyta harkankapa llankakurka, awka Orlando Cardoso kamahik chunkashuk watata, Somalia llaktapak wichkana wasipi kashka, chaymanta tukuykunapak kushikuyta chaskirka.
Chay Gerardo Hernández, Antonio Guerrero, René González, Ramón Labañino, Fernando González, chay Cuba llaktata llakichinkapa allichirikuk, imatak, chayta taripakurka: Fidel Castro Pushakta anchuchinkapa kakta tarpakurka, chaymi La Florida (EE.UU.), kuski killapi, 1998 watapi hapirka. Chinchasuyu hatun kamachikkuna wanayta churashkamanta, supaychashkamanta, kapak killa 2014 watapi kacharishka kan.
Kay aknayka tawka Mamallaktakunata rimachirka, Apya-yala llaktamanta pushakunatapash rimachirka. Kay yuyaymanta Ecuador llaktamanta Mamallakta Tantanakuyka Hatun tantari hunta, shuk yuyarita chayachirka, chayka: 29 puncha, 2011 watapi, shinallatak 7 puncha, wayru killa 2014 wata, chani Yuyari Kamarita, kayka 26 puncha, 2013 watapi chayachirka. Kay pachapika, paykunata ñawpakpi charishpa Ecuador llaktapak kamachiy killkakkuna shuk riksiyta chayachirkakuna.
Mama, Gabriela Rivadeneira, Mamallaktata Tantanakuyta pushak, kaymanta yuyarishpa Estados Unidos llakta “ ishkay yuyayta rikuchin nirka, runa hayñimanta rimakurka, shinapash Cuba llaktamanta pichka runakuna llaktaymanta wichkana wasipi churarka, kaytaka millay shunkumantami shina rurarka, paykunapak llakta ama mana chaypi urmachun ukllankapa llankakurka”.
Mamallakta Tantanakuyta pushakl “kullkita paki”, shinapash Cuba llaktaka Apya-yala llakakunata punchanta shunkumanta yanapashka, ashtawanakarin hampikkunawan, yachaywan, pukllaypi yanapashka, wakcha llakirishka runakunatapash yanapashka. Chay cáncer ama parukpi urmachun harashka, kay yanapaytaka “Cuba llaktamanta mushuk allpapachaman” yanapay kashka.
Mamallakta Tantanakuy Cuba llaktamanta runakunata riksishpa shuk kamarita chayachishka, chay aknaypika: María Augusta Calle, Armando Aguilar kamachiy killkakkuna chaypi karka, paykunami, pichka Cuba llaktamanta kishpiychashka runakunaka, Apya-yal mishayta rikuchiymi kan. Shinallatak apyayalapi kawsak runakuna, Estados Unidos llaktawan rimayta charichun, mintalay pakita sakichun shuyakunchik nirka.
Cuba llaktamanta pichka runakunakunapak shutipi, Gerardo Hernández rimarka, paymi Mamallakta Tantanakuy yanapashkamanta yupaycharka, Ecuador llaktamanta runakuna “ paykuna kishpiyrishkamanta hayñita charin nirka”.
Kay aknayman Cámara de la Asamblea Legislativa de Bolivia pushak chayamurka, payka Gabriela Montaño shutimi karka; shinallatak Anti Rimayta charikkuna, Cuba llakta kuyakkuna, paykunapak ayllu kaypi karka; Mamallaktapak Hatun Kamachikkuna; Bairon Valle, kay Grupo Parlamentario de Amistad entre Ecuador y Cuba pushak; Jorge Rodríguez kamachik, Cuba llaktamanta ista pushak; Lautaro Pozo kamachik, Relaciones Exteriores y Movilidad Humana kipapushak; Carlos Játiva kamachik, Relaciones Exteriores e Integración Política kipapushak, willana hillaykunapash karka.
JC-kichwa
