Kay Educación, Cultura, Ciencia y Tecnología minkashka, Relaciones Laborales y Educación imashina Educacion Intercultural llankashkata willachun mañanka, paykunami makirurayta yachachik kamaywasikuna llankashkata riksichinka.
Kay Herman Moya kamachiy killkakmi willachun mañarka, payka Napo markamantami kan, paymi mana llulla nikta, yupashkata charinka, ashtawankarin, rikurishkata, kunan kamachiy, uchilla kamchiy ima allita llankashkata riksichinka.
Kay kamachiyka makiruray yachaymanta, tiksi yachayman achkata mushukyachishka. Kayta hapishpa wakin makirurayta yachana wasikuna shutita mushukyachishka, chaymantami mushuk llankaykunapi imashina tikrachishkata riksina may mutsurin, shina willarka.
Yachachikkunapak yachaypanka riksinami mutsurin, chay llankaymanta kay Ministerio de Relaciones Laborales kamaywasimi kunata charin, paykunami llaktayukkunaman kay willayta chayachinata charin, waranka karikuna, warmikunami kay yachay katikuyman may mutsurik kan, chay runakuna tawka llakikunamanta yachaypi mana katinata usharka, nishpa rimanta tukuchirka.
Shinami, llankaykunata rikushpa katinchik, kay llankaytaka mana killakushpalla, rurayta arinishpa katinchik, kay kamachiyta paktachichinkapa Mamallakta Tantanakuymantami kallarin, llakikuna tiyakpi achiklla sakirichun, mutsurikpika pantaykunata allichina kachun, runakunanapak munayta hapishpami allichina kan
Achikyay
Kutin, Ricardo Moncayo kamachiy killkak, payka Chimborazo markamantami kan, kay LOEI kamachiy makiruray imapak kashkata, makiruray llankayta chanishpa riksin, shinapash mana kay kamachiywan llankashpa, awllishpa, tankashpa paktachishkachu, llankaykuna wiñaritapash kamachikkuna mana ñawpachishka.
Ashtawanmi kan, shukpaklla yachana wasikunataka nipakunata, mushuk hillaykunata rantishpa achka kullkita churachunmi mañan, kayta hatun yachay wasikuna kakpimi shina mañan; kullkikuna mana tiyakpimi punkuta wichkachun mañashka, chaykunami siraypi, llutachiypi, shuyuy, churarina ruray, shuktakkuna ruraypi llankak runakunapak yuyaypika llaki rikurin, kaykunaka punchanta llankaymi kan.
MG/pv/jc-kichwa
