Kay Comisión de Biodiversidad minkashkata pushak, payllatak killkak, mushuk Código del Ambiente kamachiyta pushak, Carlos Viteri amachiy killkak, kay kamachiyka kunan llankakuk Mamakamachiymanta shamun, chaymanta kay kamachachiyka kamachiy hillaymi kan, shina pachamama llikata, paymanta rakirishkakunata kutin hapinka.
Kay Código del Ambiente kamachiyta kimsakutin atinakunka: Libros Preliminar, I niki, II niki; kipaman katin III niki, IV niki,V niki kamukunata charin; kipaman VI niki, VII niki, hatun rimaykunata, anchuchinalla, mushukyachina, anchuchina tukuri, mushuk shimikunata charinka, chaywan kamachiy killkakuna paykunapak yuyayta churarka, kay yuyaykunata 100 apuchiwan arinirkakuna.
Pay Carlos Viteri, kay kamachiyta kallari atinakuyka Mamallaktapak wiñaykawsaymi kan nirka, kaywan charimushka pachamamata kamashun nirka, kawsaypak muyuntinta, runakunapak sumak kawsayta, shuktak kawsaykunata kamanka.
Kay Ecuador llaktaka pachamamata kamankapa shuk kamachiytami charin, pachamamapak yuyaykunami llaktakunaman, runallaktakunaman kawsayta kushka, kay llaktakunami pachamamawan aylluyarishpa kawsashka.
Kamachiy killkakka, alli uksi pachamamapi kawsanatami kun nirka, Sumak Kawsayta charinka pachamama ama wakllirichun paktapakta kamashpa kawsana; pachamamapak kallarikunata rikuna, pachamamapak hayñita kamana, Ecuador llaktapi kawsakkuna pachamamapak hayñita sumaychana.
Kay mushuk kamachiywan kay Autoridad Nacional Ambiental kamachikta sinchiyachina kan, yapa kay Agencia de Regulación y Control (ARCAM) kamaywasita shayachina, paymi ama pachamamata wakllichichun kamanata charin.
Shinallatak kay Patrimonio Forestal Nacional llankayta tukuy Mamallaktapi, tukuylla alli kachun pachamamata rikushpa hapina, mana wakllichina unipak charina; shinallatak kitikunapi wiwakuna, uchilla sisa yurakuna runakunawan aylluyarishpa kawsachun yuyayta purichina.
Kamachiy killkak Mamallakta awkita charichun, sapimanta tiyakkunata paktakaywan, pakta rakiwan charichun. Wakllirishka pachamamata arinishpa rikuna, tukuyta allichina nirka, pachamamawan llankankapa mañay hawalla kachun rimarka.
Chiri kunuk mana alli shuktayta harkankapa mañaymashkay uku wiñarin, kay ukumi chawpishpa llankana, mushuk llankaykunata amañarichishpa yaykuchina; mamakuchapi llankaykunata tukuypi rikushpa llankanata kamana; pachamamata mana mapayachishpa, wakllichishpa llankakkunata shuk kullkiwan yanapana (pachamamanta kullkiwan yanapay).
JLVN/jc-kichwa
