Esmeraldas markamanta Gabriel Rivera, Esther Ortiz, Nancis Bazurto, Pablo de la Torre apukkunami Mamakamachiy mushukyachinapak llankaymanta llaktayukwan kay 5 puncha wayru killa, Patronato de Santa Rosa de Atacames kiti, Cocobamba, Gobierno Autónomo Descentralizado Atacames Markapak kuchullapi sakirik kuskapimi tantanakunkakuna.
Kay rimanakuyka 15:00 chishimi paktanka, Yachayta pushakkuna, yachakukkuna, yaya mamakuna, llaktayukkunami chaypi kanka.
Kay rimanakuypika Gabriel Rivera apukka Mamallakta Tantanakuypi imashinalla Mamakamachiy mushukyaypak 16 mañaykunapi llankakushkata kallarishpa riksichinka, Mushukyanapak mañaykunaka kanmi: pushak kanapak akllarimaman kutin chayana, Llakta pushak kanapak watakuna charinamanta ashayachina, llaktayukta taripana, Fuerzas Armadas tantanakuypak kimirishka llankaykunamanta, Contraloría General del Estado tantanakuy imalla paktana ushaykunamanta, samana kullkita chayachinamanta, regiones autónomas suyukuna wiñarinamanta, willachiy llaktayuk yanaparinapak, shuktak mañaykunapashmi tiyan.
Apuk runaka nirkami, kay rimanakuypika Mamakamachiy mushukyachinatalla mana rimarishunchu, ashtawankarin apukkuna Ecuador llakta ayllukunapak yuyaykunatami chaskikushun, kayshina ishkay niki rimanakuypak killkapi kimichinkapak nirkami. Chaymantami tukuy llaktayukkuna kayman chayachun, yuyaykunata karachunpash kayachirka,
Gabriel Rivera apukka, Mamallakta Tantanakuypi Mamakamachiy mushukyachinata rimanakuyka kamachiywan paktachishkami kan, Corte Constitucional tantanakuypi rikuchishkamanta, shinallatak, mamakamachiypak 441 niki killkapi rikuchishkamanta, Mamakamachiy mushukyachiyka llaktapak kuskata mana wakllichinchu, nirkami.
JLVN/pv
