Mamallakta Tantanakuypi Wawakunapak Punchata Yuyarishpa, Marisol Peñafiel kamachiy killkak, pay Grupo Parlamentario por las Garantías de las Niñas, Niños, Adolescentes y Jóvenes Rimanakuyman kimirishkami kan, kay punchaka wawakunakunata, imillakunata llakichishka, tsiknishka, takashka puncha kashkamantami yuyarina sakirirka.
Kay puncha mana punchata yuyarinkapalla kanchu tukuylla llaktayta rikunkapa, Mamallakta Tantanakuypi arinishka kamachiykunata rikunkapami kan, kari warmi yuyaykunata tukuy tantarikunapi rimanata yuyarinkapami kan, warmi wawakunapak hayñita rimankapami kan, kamachiy killkak shina rimarka.
Paymanta, Francisco Carrión, kay Consejo Nacional para la Igualdad Intergeneracional sumakruray killkak, kay punchata yuyarinaka, warmi wawapak rikunalla hayñikuna paktachun punchanata llankaymi kan, chay hayñikunaka: yachay, allikawsay, ukllaymi kan, shinallatak mana rikurik hayñikunamanta, mana takana, manyayachina kan nirka. Yachaypi mana uchillayachina, kay alli ñanmi kan nishpa rimarka.
Mama Rosana Viteri, Plan Internacional pushak, Ecuador llaktami, tawka Mamallaktakunamanta kay “Por ser niña” willayta pushan, allpapachaman 70 Mamallaktakunapimi pushan, 17 markakunamanta chayamushka; chayka kamachiy killkakkuna, kikinllatak karupi kamachikkuna.
Kay Ecuador llaktapi, 1.200 waranka aychawata kuk runakunami tiyan, paykunaka warmi wawakunatami yanapan, 11 markakunapi, 73 llankaykunata paktachin, chaypimi chichu warmimanta, imillamanta, takaykunata, kawsankapak alli ruraykuna, mushuk llankaykuna, kaywan warmi wawakunata chanina, paykunapak kashka tiyakpi hapichun.
Paypak manyamanta, Yina Quintana, kay Consejo Nacional para la Igualdad de Género Pushak, kushilla, ukun, warmi wawapak yuyaymanta arinishpa llankanamanta rimarka, runapak hayñita paktachichun nishpa rimarka.
Mama Cecilia Tamayo, Inclusión Social, Ciclo de Vida y Familia kipapushak, hayñikuna hawa mirachina, hayñita ukllana hawa rimarka, Mamallaktapi paktapakta tiyachun nirka, kaykuna Tukuylla Llaktay, Plan Nacional del Buen Vivir kawsayta charichun, kaykuna 152 waranka wawakunata yanapana nirka, kariwarmi ama takanakuy tiyachun, kay llakita anchuchinkapa llankana nirka.
Willana ñankunapi rimankapa Ximena Peña, Mary Verduga, Noralma Zambrano, Carlos Velasco, kamaywasikunapak rikurishkakuna kaypi karka.
GC/pv/jc-kichwa
