Mama Gabriela Rivadeneira, Mamallakta Tantanakuyta pushak 350 yupay tantariman kayarka, chayka kullka, 8 puncha, wayru killa, 09:30 sayllamanta kallarinka, kay tantaripimi, Código del Ambiente kamachiyta atinakuy kallarimushkawan katinka.
Kayna chishiman, Mamallakta Tantanakuy kallari kamuta atinakushpa wichkarka, chayka shuk, ishkay kamumi karka. Kamachiy killkakkuna kimsa, chusku, pichka kamukunata allichishpa katinka; ña tukuchinkapa, sukta, kanchis kamukunata killkakatinka, yapa killkakunata, mushuk shimikunatapash allichinka.
Nikikunata atinakushpa, pachamamapak shulla llika willayta, Mamallaktapak pachamamata kamana, may mutsurikta paktana yuyay, pachamamapak shuklla hatun kamachik apunata, kamachiy killkakuna mushuk yuyaykunata kushpa yanaparka, pachamamawan llankankapa, kamankapa kikinllatak karupi kamachikkuna yuyayta kushpa chaypi karka.
Shinallatak manarak kamachiyta arinishpa, sapsikuna, ayllullaktakuna, llaktakuna, runallaktakuna paykuna sapsi hayñita charikpi wakin nikikuna hawa tapuna hawa rimarkakuna.
Kay Código del Ambiente kamachiywan kimirikkunapash chaskishka karka. Chay Hospital Veterinario de la Universidad San Francisco de Quito, Andrés Ortega Ojeda kamachik chaskishka karka, kay mutsuyka mana Ecuador llaktamantalla kanchu nirka, istallaktakunawanmi kay amawta yuyaykunaka kimirin nirka, chaymi wiwakuna alli kawsachun, kishpiyrishka kachun, allikawsayta charichun kay kamachiypika riman. Kay Biodiversidad minkashkata pushak, Carlos Viteri kamachiy killkak, kamachiy killkakkakkunapak rimaykunata uyashpa, ishkayniki atinakuyta manarak rurashpa tukuy Mamallaktaman riksichiahpa rimanakuyta charichun nirka, chaypi tantarikuna, llaktakuna, kamachikkuna mushuk yuyaykunata churachun nirka. .
RSA/pv/jc-kichwa
