Kaya puncha, 09h30 sayllata Mamallakta Tantanakuy kutintak tantarinka, chaypimi Código del Ambiente kamachiyta kallarik atinakuyta charinka, alli pachamamawan Ecuador llaktapi kawsachunmi kamanka, chaywan tukuy llankaykuna rurayta ushanka, chaywanllatak pachamamata, shuktak tiyakkunatapash ukllanka.
Ayllullaktapi, tukuy pachamamapi tiyakkunata ukllanka, shina shamuk runakunapak kawsayta kamanka, ista llaktakunawanka Mamallakta pachamama llikata kamankapa arininka, allpapachapak kawsayta kamanka.
Imachinami, kullka puncha, chay Comisión de Biodiversidad minkashka, Carlos Viteri Gualinga kamachiy killkak, Código del Ambiente manarak arinishpa llaktakunata tapushka kachun yuyayta churarka, Mamakamachiypak 57 nikipi, 17 yupayta rimashkata hapishpa shina nirka, kay nikipimi sapsita, ayllullaktata, llaktata, runallaktata, yunka llaktata, yanallaktata tapunata riman, paykunapak hayñikunata llakichinata rikushpa kamachiyta manarak arinishpa tapunata churan.
Shinallatak Convenio OIT kamachiypak 5, 6 nikikunata, maypimi runakuna hawa rimakta hapishpa; shinallatak 19 niki, Declaración de las Naciones Unidas sobre los Derechos de los Pueblos Indígenas kamachiyta hapishpa tapunka.
Sapsi hayñi hawa llaktakunata, runallaktakunata tapushka kamayta charirayarka. Shina, II kamupi, sachapi kawsakkunata, sapi tiyak hayñikunata, pachamamapak yanapaykunata, sachapi tiyakkunata, pachamama tiyak kuskakunata wakaychina, tukuypak uchilla llikakuna, Patrimonio Forestal Nacional harkana, pachamamapi tiyakta mana kichuna, wiñarik sapi tiyakkunata mana yanka kichuna, sachapi tiyakkunata wakaychina.
Kay III kamupi pachamamapak mañaymashkana, pachamamata kinina, tukuyta allichina. Kay IV kamu chirikunuk rantinchi, VI kamupi pachamamata kamashpa charikta kullkiwan yanapana.
Kullka punchaka kimsaniki kamuka, sumak pachamama kachun, sumak pachamamata ukllana hawa, imashina kamana, pachamamata hapinkapa mañana; pachamamata makinchina shuklla llika, pachamamata rikuna, pachamama ama mapayachun imashina chakllita harkana, pachamamata wakllichik kupakuna, akllashka wañuchik mapakuna, tukuyta allichina, ashayachinkapa mirachinaka unipak mikuna tiyachun, tukuysami puchukunawan mana mapayachishpalla llankana.
Chuskuniki kamu, 11 nikikunata charin, kaypi chirikunuk shuktakyayta riman, chay llaki ama tukuy llaktakunata hicharichun, harkankapa tupukunata churana.
Tukuchinkapa, Pichkaniki kamu mamakuchata, yunka pampakunta, ima llankaykuna, chay uchilla suyukunapi pachamamata mitsankapa rikuna, wakaychina.
PV/jc-kichwa
