Kay Ecuador llaktawan, Guatemala llaktawan ishkatin Mamallaktakuna kawsaypi charishkakunata ukllankapa, kutintak apamunkapa, wakaychinkapa shuk yuyarita arininkuna. Kay nipakunaka shuwashka, upalla apashka, kamachiyta pakishpa katushka, kashkakuna, shinapash Mamallaktapakmi kan.
Ista kamachiykunapika, chinkak Mamallaktakuna paykuna ñawpamanta charimushkakunata istamanta apamunata ushan nirka, shinami shuwashkakunata ukllanka, kutintak apamuna, wakaychinata ushanka, kay charishkakunata shuwashka, upalla apashka kakpi apamunata ushan, Shinallatak ishkantin llaktakuna kamachiywan llankaypi, taripaypi, llakichikkunata wanachinapi allichirinami kan.
Kay llankayman yaykurishka Mamallaktakunaka, paykunapak llaktaman ama yanka ñawpamanta wakaychishka tiyak kuskakunaman yaykurichun mitsankapa yuyarinkunata charina, kay kuskakunaka llaktakunapakmi kan, wakin kuskakumanta shuwashka, upalla apashka, kichushka kashka; kunanmanta harkana tupukunata churana, shuwakukta kichuna kachun kamachiy tiyana.
Ashtawankarin, kawsaypi charishkakunata shuwakukpi wanachina kachun, tantarishka shuwakkunatapash harkana, takana.
Kay yuyaripika llakikuna tiyakpi willanakunata riman, shuwashkakuna tikrachimuna, tarinkapa, apamunkapa mashna kullkita tukuchishka. Shinallaktak apamunkapa churashka kullkita mana kuna, takarikkunata, mushukyachina, katinapash kanka.
Kay Comisión de Relaciones Internacionales, Ecuador llakta tawka yuyarikunata killkashka, chaypimi charishkakunata ama shuwachun killkashka, kamachiyta pakishka ama katuchun ista yuyarikunata killkashka, imashinami UNESCO, 1970 watapi, UNIDROIT yuyari, Cartagena yuyari, shuktak llaktakunawan charishkata ukllankapa, kutintak apamuchun yanapanka.
Kay Gastón Gagliardo kamachiy killkak, chay Municipio de Génova kamachiywan, 500 charishkakunata tikrachishka, mana kullki yupayta charinchu, chaykuna ñukanchik kawsaypak ukupimi kan.
Kay Antonio Posso kamachiy killkak, mana manchayta charishpa ñukanchik Mamallaktapi charishkakunata surkushpa apashkakuna, paykuna mana llaktapak kullkita wiñachinkapalla, paykunapak paya charishkakunata mirachinkapa karka, chaymi ñukanchikpak shunkuka tikran, chaymanta ñukanchik Mamallakta kikinpak kakta apamuchun mañanchik.
Linda Machuca, Apya-yala paypak kashkata apumunkapa hatarin nirka, chaymanta kayman kimirishka Mamallaktakuna shuwashka nipakunata apamunkapa, ukllankapa shuk yuyarita mashkan. Ñami istallaktakunapi tiyak pusak waranka nipakunata kutintak apamuchun nirka.
JLVN/pv/jc-kichwa
