Kay Toctiuco, kuntin Quito kunan, mama Gabriela Rivadeneira, Mamallakta Tantanakuyta pushak, wanra punchami kay Incentivos para Asociaciones Público-Privadas y la Inversión Extranjera kamachiyta kallari atinakuyta charinka. Ñami kay Desarrollo Económico paypak tantari ukupi, kay killkata allichinkapa achkata rimanakushka, maypimi ashtawan llankankankapa mutsurik nikikunata yallita rimashka.
Kanchamanta apamushka shukpaklla kullkikunata, hampinkapa, yachankapa, kullki llukshik llankaykunapi churankapa, shuktak llankaykunapi churashka kanata, ama hamutachun munanchik. Mamakamachiyka kay kuskakunaka Mamallaktami kullkita churashpa llankana kan nishpa rikuchin, shinami hatun Pushakka willarka.
Utakachik kachashka mushuk kamachiy, kuski killapak 28 punchami Mamallakta Tantanakuyman haykurka, kullkita charinkapa utkachun nishpami kacharka. Kay kamachiyka, tukuylla mushuk llankayta yanapachunmi kan, kay kamachiyta paktachinkapami kan, kay llankay kamaywasi tukuchun kan. Istallaktamanta kullkiwan tarpuykunapi churankapami kan.
Manarak kallari atinakuyman churashpa kay llankayta minkashka shukpaklla llankakkunata, hatun kamachikkunata, kullkita kamak kamachikkunata, runakunapak tantarita kayarka. Shinallatak rimakuy patakuman tawka rikuykuna chayashka. Runakuna llankaykunata wiñachichun shukpaklla kullkimi mutsurin nishka, kay llankaykunwan charishkakuna wiñarichun, wakchayayta, llankayta mana charikta ashayachinka, Mamallaktapak kullkita wiñachinkapash nirka.
Pushak Michelle Bachelet
Mama Gabriela Rivadeneira, Mamallakta Tantanakuyta Pushak, Chile, Michelle Bachelet, chille llaktamanta, Mamallakta Tantanakuyman chayamurka, payka paypak llaktaman, suyumanpash mushuk willaykunata apamurka. Huatun pushakka, Mushuk Mamakamachiyta killkanamanta rimarka, paya Mamakamachiywan mushuk llankaykunata wallpanata mana usharinchu nirka, chayka wakcha runakunata mana yanapanchu nirka. Imashinami Ecuador, Venezuela y Bolivia ñami mushuk Mamakamachiyta charin, kunanka Chile llaktapash ñami chay ñanpi kan nirka.
LM/pv/jc-kichw
