Mamakamachiy Mushukyachinata rikuk Minkarishkata pushak, Juan Carlos Cassinelli apukka, llaktayukwan rimanakuyka llaktapak 24 markakunapi paktashka, shinaka 100% tukuy llaktamanmi chayashkanchik, Ista llaktapi kawsak ayllukunapashmi kay rimanakuyman chayarkakuna, nirkami
Kay rimanakuypika, llakta ayllukuna, yachakkuna, yachakukkuna, hatun yachana wasikuna, paklla ayllukuna, runakuna, yana ayllukuna, yunka runakuna, mishukuna, yaya mamakuna, llaktapi pushakkuna, tukuy llaktayukkunami kayman chayarkakuna.
Cassinelli apukka, 14 minkarishkakuna, 105 uchilla tantarishpa rimanakuykuna, llaktayukkunawan 119 rimanakuymi paktarka, kaypimi mamakamachiy mushukyachinapak yuyaykunata llaktayukkunaka chayachirka, ninmi.
Minkarishka apukkuna llaktapi llankaytaka yallik kullka killami kallarirkakuna. Manabí (Montecristi) llaktapi 19 kullka killa, Guayas (Guayaquil) 2 panchi killka; Imbabura (Ibarra) 9 pawkar killa; Esmeraldas 23 pawkar killa; Pichincha (Quito, Tumbaco) 6 ayriwa killa ; Loja 20 ayriwa killa; Santo Domingo de los Tsáchilas, 4 aymuray killa; Pastaza (Puyo) 25 aymuray killa; Chimborazo (Guano) 15 raymi killka; Carchi (Tulcán) 27 raymi killa; Pichincha (Quito) sitwa killa; Azuay (Cuenca) 17 karwal killa; Sucumbíos (Lago Agrio) 7 kuski killa; Bolívar (Guaranda, parroquia Simiatug) 21 kuski killa.
Suyu llaktakunapi, apukkunaka yunka llkatapika 7 markakunaman, Chiri llaktapika 10 markakunaman, yawanti llaktapika 1 markaman; Antisuyu llaktapika 6 markakunamana, shinallatak 3 kutinmi Ista llaktapi kawsak Ecuador llaktamanta ayllukunamana chayarka, ninmi.
Kunanka, tukuy llaktata purinatami apukkuna kallarirka. Mamallakta Tantanakuyta shuk niki kipa pushak, Rosana Alvarado apuk, Vethowen Chica, Ximena Peña shinallatak Óscar Ledesma apukkunaka Sucúa y Huamboya kitilli, Morona Santiago markapimi rimanakurkakuna, nirkami.
Soledad Buendía apukka Checa kitilli, Quito markapimi karka; Verónica Arias apukka Zamora Chinchipe markapi rimanakurka; Fausto Cayambe apukka La Cocha kitilli, Quito llaktapimi karka; shinallatak, España llaktapi kawsa ayllukunapash, Madrid, Barcelona kitipi consulado wasikunapimi llika uyachikpi rimanakurka, nirkami.
JLVN/pv
