Mamallakta Tantanakuyta pushak, Gabriela Rivadeneira apukka, tukuy apukkunatami 353 niki rimanakuyman kullka 22 puncha, wayru killa 09:30 pacha tutamantapak kayachirka, kaypika Código Orgánico de la Economía Social de los Conocimientos, Creatividad e Innovación rurarina kamachiytami shuk niki rimanakuypi riksinkakuna.
Kay killkataka Educación, Cultura, Ciencia y Tecnología Minkarishka apukkunami allichirka, Raúl Abad apukkmi minkarishkataka pushakun.
Kay kamachiyka Ciencia, Tecnología, Innovación y Saberes Ancestrales llaktapimi paktaykunata rikunka, ashtawankarin Yachaykunata yachachinapi, yachaykuna Sumak yachana wasikunapi paktanata, Llakta rikuchiychikunapipashmi yachaykuna, yuyay ruraykunapash mushukyachun sinchiyachun mashkakun.
Kamachiyka kullkiwan llankaytami wiñachinapak mashkakuna, kayshina llaktapak ruraykunata, chimpachiykunata, yuyaykunatapash kikinyachinka, charishka wakichiyta, pakta rakinatapash pachamamawan allikarishpa kawsanata sumaychanka.
Shinallatak, yuyay mashkaykuna, ruraykuna mushukyaykunata mashkaytapash sinchiyachin, kayshina mutsurishkapi runakunapak hayñitapash paktarinkapak, pachamama kawsay riksinatapash yanapan; pakta pakta llaktayukkunapi yuyaykuna wiñarishkata sinchiyachinkapak, shuktak paktaykunapipash.
Rurarina kamachiyka mawka yuyaykunata rakishpami kaman, ashtawankarin llaktayukkuna makipurashpa kamaywan tukuykuna paktarichun yanapan, ñukanchik mutsushkata paktanapakmi yanapaykunata churan, kayshina tukuykuna pakta pakta chayanapak, allikankapak, runapak, pachamamapakpash hayñikuna paktachinatami yanapan.
Kamachiyka 567 niki killkatami charin, chusku kamukunapimi tantachishka, shinallatak puchukay killkata, mushukyachina killkata, anchuchinata, puchukay killkatapash charin.
JLVN/pv
