Mamallakta Tantanakuy, Educación, Cultura, Ciencia y Tecnología Minkarishkapi tawnarishpami kay Ley Orgánica de Educación Superior (LOES) kamachiy paktarishka rikunata, ñawinchiytapash kallarinkuna.
Chaypakka, Kamachiy Awllipi apukkunaka mamallaktapak suyu llaktakunamanta -Kuntisuyu, Chiriy llakta, Antisuyu- markakunamanta akllarishka Diego Vintimilla, Noralma Zambrano, Armando Aguilar, Ricardo Moncayo, Ximena Ponce y Miryam González apukkunawan shuk minkarishkapi kimirishpami llankay rikuchik pankata rurankakuna, llaktakunaman chayanapak, llankaykuna paktachinapak, shuktak ruraykuna paktanapakpash.
Diego Vintimilla, kay minkarishkata pushakka, kayshina ñawinchiy llankayka pusak killakunapimi tukuchishun nirkami, kayshina llankaypika llaktayukkunami kimirina kan, ashtawankarin sumak yachana wasipi kimirishka ayllukuna (pushakkuna, yachachikkuna, yachakukkunapash). Kayshina ñawinchiywanka Hatun yachayta rikuk kamachiy LOES paktakushkatami riksinata mashkakunchik, shinallatak ima waklliriy tiyakpika sinchiyachinkapak, allichinkapakpash, nirkami.
Llaktayuk willashkatalla uyana mana kanchu, ashtawanpash kay mamallaktapi sumak hatun yachay paktakushkatami riksinata mañakunchik, nirkami.
Ricardo Moncayo apukka, llakta wiñarinapi sumak hatun yachana wasikuna kimirishpa llankakushkata, llankanapak kullki charishkata, yachakukkuna yaykukushkata, ima yachaykuna tiyashkatami rikunata mashkakunchik, nirkami.
Wilson Chicaiza apuk, kamachiy paktashka, ima waklliriy tiyashkatapash riksinata mashkakunchik, shinallatak institutos técnicos, tecnológicos y pedagógicos yachana wasikuna llankakushkatapash riksinata munanchik, nirkami.
Miryam González apukka, Consejo de Educación Superior (CES), Consejo de Evaluación, Acreditación y Aseguramiento de la Calidad de la Educación Superior (CEAACES) y la Secretaría de Educación Superior, Ciencia, Tecnología e Innovación (SENESCYT) tantanakuykunaman mishkashkata paktachishkatapash yachanata mashkakunchik, nirkami.
Armando Aguilar apukka imalla taripanapak shuk tantanakuyta ruranami kan, nirkami. Shinallatak Noralma Zambrano apukka nirkami, kay taripayka Ley de Educación Superior alli kashka mana alli kashkata wakllirishkata riksinkapak, mayhankuna rikuna charishkata yachanpakami kan, nirkami.
MG/pv
