Quito llaktamanta Karu rikuchikpi tinkirishpami Milán, Roma y Génova llaktakunapi Ecuador llakta ayllukunawan rimanakurka, kay rimanakuykunawanmi Mamakamachiy mushukyachinata Minkarishka apukkunaka llaktayukwan rimanakuyta puchukarka. Shinapash uchilla minkarishkapi rakirishpa tawka markakunapi llaktayukwan rimanakushpa katishunrakmi, nirkami.
Juan Carlos Cassinelli, minkarishkata pushakka apuk, yallik wata llankanapak rurashka pankapi churashkataka rikukpika Ecuador llakta ayllukunawan rimanakuyka 100% paktashkai (Costa, Sierra, Oriente y Galápagos) suyu llaktakunaman chayashkanchik, shinallatak Ecuador llaktamanta Ista llaktapi kawsak ayllukunawan, llankakpak tantanakuykunawan, ayllu tantanakuykunawan, chalwa hapikkunawan, maki rurakkunawan, antawa purichikkunawan, yachachikkunawan, yachakukkunawan, wasipi llankak ayllukunawanpash llaktayukwan chimpapura rimarishkanchik, kay yuyaykunata tantachishpami apukkuna ishkay niki rimanakuyman chayashun, nirkami.
135 tantarikunamantaka (14 minkarishkakuna, 121 uchilla minkarishkakinapi) llankarkanchik, tukuykunata kayachirkanchik nirkami. Sasi killapak raymi kipami tukuy yuyaykunata hapishpa killkapi tantachishun, rimanakushun, apushitashun, kay killkakamu apukkuna rimanakuyman chayachun, kaypi Mamallakta Tantanakuypi apukkuna paykunapak yuyayta riksichichun, mamakamachiy rikuchishka shina, nirkami.
Llaktayukkunaka kay rimanakuykuna allimi kan, mamakamachiy mushukyachinapak 16 mushukyay mañayka suyu llaktakunapi chikanyashka mutsurimi riksirishka, pushakkanapak kawsay watakuna ashayachiy, pushakkanapak kutinpash akllarinaman yaykuy, llakta kasiklla kawsay, Contraloría, Defensoría del Pueblo tantarikunapak llankay paktay, kay yuyaykunami kallaripika rikurishka, nirkami.
Kamay, paktaypash
Shinapash, Esteban Melo apuk, Milán llaktamanta rimashpaka mamakamachiy mushukyachiyka kamayta, paktaytapashmi charin, nirkami. Chimpapura, achiklla, kimichishpa rimanakuypika kayshina mamakamachiy mushukyachiyka ñawka mana tiyarkachu, tukuy llaktapi ayllukunapak, ista llakta runakunapak yuyaykunatapash tantachin, kay yuyaykunawanmi mamakamachiy mushukyachinata alliman paktashun, nirkami.
Kamay mirarin.
Dora Aguirre apuk, Asia y Oceanía suyu llaktakunamanta akllarishka, kunanpaklla minkarishkapak llankaypi Ecuador llakta ayllukuna Ista llaktapi kawsakkunata kimichishkamanta yupaycharka, kayshina tukuykuna kimirina hayñita paktachishun, Mamallakta Tantanakuypak llankayta kimirishkanchi, nirka. Mamakamachiy mushukyayka llaktayukpak hayñi paktarinatami mirachin, nirkami.
MG/pv
