Allpapachapi ayllukuna purinamantami kay chillay puncha ishkay kutin tantarishpa Soberanía, Integración, Relaciones Internacionales y Seguridad Integral minkarishka apukkunaka rimanakuna.
Chaypakka, Fernando Bustamante, Minkarishkata pushak apuk 178 niki rimanakuyman kaya 28 puncha 28 wayru killa, 09:30 pacha tutamantapak kayachirka.
Chay pachami Unión de Naciones Suramericanas (UNASUR) tantanakuypak killkakamayuk Ernesto Samper, shinallatak Organización Internacional de las Migraciones (OIM) tantanakuymanta Salvador Gutiérrez y Jorge Gurrieri pushak runakunatapash chaskinka, paykunami imashinalla kay kamachiy rikuna kashka yuyaykunata riksichinka.
Shinallatak 15:00 pacha chishiman, 179 niki rimanakuypi, Corte Interamericana de Derechos Humanos tantanakuymanta killkakamayuk; Agencia de la Organización de Naciones Unidas para los Refugiados (ACNUR) tantanakuymanta Juan Carlos Morillo y Juan Ignacio Mondelli pushak runakunatapash chayamuchun shuyakunka.
Kay ñawirinakuyka Mamallakta Tantanakuypak Salón de Presidentes, ishkay niki pata wasi ukupimi paktanka.
Shinallatak kay puncha llankanapika rikurinmi, Ecuador llakta China llaktawan antanka llankaypi yuyarinakushka killkamanta rimanakuy; shinallatak El Salvador llaktaman chayanapak ishkantik llaktakuna yanaparinata riksichik yuyarinakushka killkamantapash rimanakunka.
MG/pv
