Mamallakta Tantanakuyta pushak, Gabriela Rivadeneira, shinallatak Consejo Nacional de Cinematografía del Ecuador, Chile Istawasi, llaktayukkunata “Allende en su Laberinto” hawa rikuchun tukuykunata kayan, wanra, 10 puncha, sasi killa, 18:30 sayllamanta rikuchinka.
Kuyuri shuyuta rurak Miguel Litín, kay José Mejía Lequerica ukupi rikuchinka, Mamallakta Tantanakuy ukupimi kanka , Piedrahíta, 6 de Diciembre ñankunapimi sakirin, Quito llaktapimi kan.
Kay kapchita, kawsaytarpuyta kunan Mamallakta Tantanakuyta Pushakpak shutipimi rikuchinka, kay shuyu kuyurikta tukuy munakkuna rikuchun punkuta paskashkami kan, shina mushuk kawsaykuna, yachaykuna wiñariynka.
Kay shuyu kuyurikka Chile llaktamanta pushak Salvador Allende wañuna tukuri punchakunamantami rimanka, paymi kay XX watapi hatun llakta ushayta wiñachirka. Kay shuyupimi Chile llaktamanta Awka Ushaykuna imashina llakichishkata rikuchin, paykunaka Augusto Pinochet Hatun awka pushashkami karka, 11 puncha, kuski killapi, 1973 watapi allpamanta, antankamanta hillpakunata kacharirka.
Kay Salvador Allende Mamallakta Pushak, Santiago de Chile llaktapi, 26 puncha, raymi killa, 1908 watapi wacharirka, shinallatak 11 puncha, kuski killapi, 1973 watapi wañurka. Payka Hampik, wakcha runakuwan llaktakmi karka, 4 puncha, sasi killa, 1970 watamanta, 11 puncha, kuski killa, 1973 watakama Chile Mamallaktapak Pushak karka.
Kutin Miguel Littín shuyu kuyurikta rurakmi kan, payka griegos, palestinos kawsaymanta shamuk yachakmi kan; Universidad de Chile llaktapi arawata yacharka, Televisión Universitaria llankaypi pushak karka.
RSA/pv/jc-kichwa
