Kay José Mejía Lequerica, hatun pukllakkuna paykuna yachashkata, tawkasami yachayta charik yachana yachakukuman willarka. Mama Gabriela Rivadeneira, Mamallakta Pushak, wamrakunapi pukllayta tarpunamanta willarka, chaywan tukuypi alli kawsayta charina nirka.
Kay hatun ukupi, yachakukkunaka hunta karka, Mamallakta Pushak pukllanata yachaymanta rimarka, kay pukllaykunata yachaywan, alli yuyaykunawan kimirichishpa, kipaman alli, llankak runakuna tukuchun yanapanka.
Kay hatun yachay tantaripi, hatun pukllakkuna, paykuna yachashkata pakta runakunaman sumak yuyaykunata chayachirka. Kay Carlos Góngora, Federación Deportiva de Napo markamanta, box pukllaymanta rimarka. Paulo Estrella, BUNQ pukllaymanta (Barrios Unidos del Norte de Quito) Kipapushak, imashina tantarinamanta rimarka.
Pukllak Milton Ludeña, hatun urkukunapi kallpak, Antártida riti llaktapi, 100 waranka tuputa kallpana hawa riksichirka, chay allpapacha chiri llaktapi Ecuador llaktapak shayachishkata willarka.
Shuktak yachaykunata Carla Pérez, escaladora pukllayta riksichirka, Everst urkuman sikana hawa rikuchirka (chay urkuka 8 waranka tuputa charin) samay mana tiyan, kutin Paúl Aucancela, makanakuyta ychak, Rusia llaktapi mishashkata willarka, paymi allpapachapi Ecuador llaktapka wipalata kimsaniki kuskapi tiyachirka.
Kay yachay kipa kallpak pakta runakuna, paykunapak yachayta, paykunapak munayta rimarkakuna. Paykunaka ashtawan “Testimonios de vida para incentivar el deporte en la juventud estudiantil” yachay hawa rimarka, Gran Colombia, San Francisco de Sales, Luciano Andrade Marín, COTAC, Alvernia y Eloy Alfaro yachana wasikunamanta karka.
JS/jc-kichwa
