Kaya 11 punchami, sasi killa, Código Orgánico del Ambiente kamachiypak hatun yuyaykuna hawa tapunkapa shuti killkari kallarin, kayka sapsi hayñi ukupimi kan.
Llakichina laya kak, yalli hatun yuyaykunatami tapunka, pachamamata ukllana hawa charik, chaypi kawsana allpata charishka hawami kanka, chay allpaka Mamallakta ukllashka llika ukupimi kanka; unipak tiyashka pachamamata charirayana, ayllukuna yachaytapash, llankaykunatapsh, kawsaytapash unipak charirayana.
Mamallakta Tantanakuyta pushak, Gabriela Rivadeneira, 8 puncha, sasi killamanta tapuy hawa llankakurka, chaymanta sapsita, llaktata, ayllullaktata, runallaktata, yana llakta, yunka llaktata kayarka, 20 punchapi shutita killkarichun nirka. Yalli hatun yuyaykunatami tapunka.
Maypi shutita killkachina
Tantarikunapak shutitaka Quito llakta, 6 diciembre ñan, Piedrahíta ñanpi killkarinka; shinallatak markakunapika tiyak Mamallakta Tantanakuypak wasipimi shutikunata; tantripak shutikunata killkachinka.
Mutsuykuna
Shutita killkchinkapaka, yuyarikunawan, arinishkakunawan, tantari pankawan, kay pankakuna kikinkayta rikuchinka. Ñawpa pachamanta shamkuk runallaktakuna kikin hayñita charishkawan rikurinatami charin, kay shutikunata killkashkami sakirinka.
Shukniki tantari, paykunapak shutita killkachikka, tapuna pankakunatami chaskinka, chay pankakunaka hatun tapuytami charinka, kipak pankatapash charinka, imashina tapuna ñanta rikuchik pankatapash charinka.
Katikuykuna
Shutikunata killkachishka kipa, sapsi hayñita charik kamachiy killkak Unidad de Participación Ciudadana con el apoyo de la Unidad de Técnica Legislativa imashina shutikuna killkarikta rikunka, kipaman mayhanlla alli killkarishkata rikunka, katipika Comisión de Biodiversidad kamachikkunaman chayachinka.
Kayayka Mamakamachiypak 57 nikipi rimashkatami paktachin, kaynikika tapuna kak sapsikunapak, ayllullaktapak, llaktapak, runallaktapak hayñitami riksin, kay kamachiy kipaman llakichina kakta rikushpami manarak arinishpa tapuna kan.
RSA/pv/jc- kichwa
