Yana runakuna, runakuna, mishukuna, yachakukkuna, tantarishkakuna, tantanakuykuna, tarpukkuna, wasiwarmikuna, takikkuna, kapchikkuna, kamachiy killkakkuna, marka, kiti kamachikkuna, Mamallakta Tantanakuyta pushak tawka kamachiykuna arinishkata riksichirka, chaytami Contigo de Ley rimakakuypi riksichirka. Alpachaca, Ibarra llaktamanta, shina kay llaktamanta Mamallakta Tantanakuypak willakkunamanta llaktakunaman riksichirka.
Chay “Negrito de la Salsa”, Edgar Gonzalón, pintuta paskarka. Pirkapika warmikuna alli kawsayta charichun ñakarikukmi rikurirka, shuyupi Mamallakta Tantanakuymanta shuk kamachiy killkakmi rikurirka: Álvaro Córdova o “Tenaz” shuti karka. Kay llankayka Ibarra llaktapak kawsaypura kiti ayllullaktamanta rikurirka, Mamallakta Tantanakuy Pushak Contigo de Ley chayakpi chaypimi rikurirka.
Kay Mamallaktapak shitashka kitikunaman, markakunaman, mama Gabriela Rivadeneira tawkakutin chayashka, kimsa wata llanakaypi 36 kamachiykunata arinishka, kay watalla 11 kamachiyta arinishka. Kay kamachiymi Patria del Buen Vivir rikurichun maya mutsurik kan, kallaripika shinami rimarka. Kay kamachiykunaka kari warmita yanapankapami kan nirka, wawamanta yuyaykama, kariwarmita, tisikuta, purik runata, shuktakkunatapash yanapanka.
Mamallakta Tantanakuyta pushak, kay Código Orgánico Integral Penal (COIP), warmi kashkamanta wañuchikta, purik runakunata llakichikta, shuktak llakikunatapash kichkichin, Código Orgánico de Procesos kamachiyka, rimashpalla wanayta churanata yanapan, kichwa shimita rimakta kishpiychik tukuchun yanapan.
Kayllapitak, Mamallakta Tantanakluypi Allpa Kamachiyta killkakkunchik nirka, chayka hatun allpakuna tukurinka, paklla runakuman llankachun kuna nirka. Chay runaknami allpaman yaykurinata usharinka. Tarpuna allpakuna tukuy wakcha runakuman pakta pakta rakishka kanka nirka.
LM/pv/jc-kichwa
