Ishkay ukutami 150 runakuna Mamakamachiy hawa rimanakuyta uyachun rikuchirka. Minkashkaman yaykurishkakuna rimanakurka, paykunapak yuyayta rikuchirka, achka llaktayukkuna yuyayta churashkata, Ecuador llaktapak markakunapi rimanakushkata rikuchirka.
Katipika, chaypi kak 17 runakukunamanta, Ishkayniki Kipapushak Marcela Aguiñaga, sapan yuyaykunata rimarka, chayka: hayñikunata hatunyachik, uchilla kamachiykunata sumakyachik, Mamakamachiyman kimirichik kamukunata rikuna.
Pay Luis Fernando Torres kamachiy killkak, ashalla kamachiy killkakkunapak yuyayta rikuchirka, Mamakamachiy mushukyachina mutsurikmi kan nirka, imashinami kutintak akllarina, Mamallakta Pushak tukunkapa mashna watata charishkata mana rikuna. Shinallatak Defensoría del Pueblo paypak llankana ukuta kamaywasiman, kitipak, shulkapak kuskakunata rikunka.
Mama Gabriel Rivera kamachiy killkak, kallarimanta Mamakamachiy mushukyay Mamallakta wakllichikta mana rikushkanchikchu, kay kamuka ucha allichina kachun nirka, kutin akllanami yalli ucha mutsurin nirka. Mamallakta Tantanakuymi Mamakamachiy mushukyachinata makipi charin.
Kamachiy killkakkuna, ñawpa Mamakamachiyta 12 kutin mushukyachirka, chayka 1979 watamanta, 1998 watakama karka, kay mushukyaykunapi runakuna mana yuyayta churarkachu, 4 pata ukupilla killkarka, 70 punchata charirka. Kunanmi llaktakunapi killkashka kan, runakunaman wiñaykawsaymi kan, kunan, kayna, shamukta rikuchin.
Kay (CREO) tantarimanta, Patricio Donoso kamachiy killkak, Mamakamachiyta mushukyachina tapushka kachun nirka, shina rimashpa ashalla tantaripak yuyaykunata rikuchirka, chaytami Juan Carlos Cassinelli, kay llankayta minkashka chaskirka, kaywan ama Mamakamachiy mushukyachun harkarka.
Ñawpaka Mamakamachiyta chusku pirka ukupi mushukyak karka, kunanmi llaktakunapi runakuna rimayta charishka nirka, tawka yuyaykunata riksishka, paykunapak yuyayta churashka nirka. Kay tantaritaka 11 kimirishka kamachiy killkakkunantin pusharirka.
JLVN/pv/jc-kichwa
