Mamallakta Tantanakuyta Pushak, mama Gabriela Rivadeneira, kay Contigo de Ley willaypi PAIS tantari, Mamallakta pushak Rafael Correa yuyarishkata willarka, Mamakamachiy mushukyaypak yallichinallapi churachun nirka, chaypi imashina Mamallakta pushak tunkunapa imashina kutintak akllarina hawa rimarka, 2017 watapi kanka.
Kay yuyaykunapi, Mamakamachiy mushukyaripi achiklla sakinka, Mamallakta Pushak, kamachiy killkakunapash ishkay mitata llankashka kipa kutintak akllarina harkarinka, shina 2017 watapi akllarinata mana ushankakunachu.
Mamallakta llaktayukkunamanta kallarishpa allichirimushka, shinami llaktaykuna sinchiyashka, shinami Mamallakta mushukyarishpa katichun kamanka. Kay llaktay llankaykunawan shamuk watakuna runakunaman kishpiyri chayachunmi, chaymi shina llakta ushayta paktachinchik.
Mamakamachiy mushukyaypi tiyak nikikunatami chikan chikan allichina kan, imashinami: Fuerzas Armadas, Policía Nacional rimak nikikunaka sapan rikuna mutsurin; shinallatak yachaymanta, hampimanta, kipikuna chayachina, uchilla hillaykunata paktachina rikurin. Shuk yuyaypilla atinakuy samarishka, chaymi llakikuna tiyashka.
LM/pv/jc-kichwa
