2016 watapak Mamallaktapak hatun kullki hawa rimanakuyta charinkapa Mamallakta Tantanakuyta pushak Gabriela Rivadeneira Burbano 24 puncha, sasi killakaman, kamachiy killkakkunata 357 tantariman kayarka. Chayka 09h30 saylla kallarinka, chayman Régimen Económico y Tributario tantari, shinallatak Programación Cuatrianual 2016-2019 watakunapak llankaytapash rimanka, kullki mañanatapash rimanka.
Kay willaypi Ministerio de Finanzas hatun kamachik, 29,835 waranka hunu 2016 watapak sakirin nirka, kunan watapak kullkita rikukpika 6,482 waranka hunumi urayashka kan. Kaytaka Mamakamachiypak 286 nikita pakchishpami shina sakirin, kayta rikuchun minkashkakuna, 2016 watapak, 29.56% patsakri kullkimi punchanka yaykurin, punchanta tukurina kullkika, 5,147 waranka hunu kullkimi kan. Urayashka kullkika llankaypi churana kullki, Mamallakta runakunapak ranti kullkita churana kullkimi anchurishka.
2016 watapak kullkika, Mamallakta manuta charishkata rikushpami kuskachishkami kan, kayka 40% patsakri Producto Interno Bruto (PIB) kullkimanta mana yallinachu kan, chaytami Mallakta Tantanakuy rikuchin.
Kullki yaykurikuna mirarikka llaktayukkunapak llankaywanmi kan, shinami runakuna manu kullki churata yachankakuna. Runakumanta manu kullkita tantanaka kunan wata kullkita hapinapi tiksirishkami kan, shamuk manu kullkipilla yuyashka mana kacnhu.
Kaya 2016 watapak Mamallaktapak hatun kullki tiyarinaka, Mamakamachiy, (COOTAD) kamachiypi tiksirishpami tiyarin, chayka Gobiernos Autónomos Descentralizados kamachikkunatami yanapan, shinami 21% punchanta yaykurin, shinallatak 10% patsakripash punchanta yakurin, kay kullkikunaka allpa ukupi tiyak chukikunata katushkamantami shamun; Hatun Kamachikkuna, Karupi Kikinllatak kamachikkunaman churashka kullkipash kan.
Minakykuna
Shinallatak, 2016 watapi punkara yalli kullkipi katurikukkpika, kay watapillatak llaktakunapi llankaypak churay kullki mirarichun, kari warmi wawakunata yanapankapa kullki tiyachun, ayllu ukupi llakikuna tiyakta anchuchinkapa, allikawsaypak kullki mirarichun, shinallatak tukuykunata yanapak kullkipash mirarichun, tarpuypak, shuktak muyuk llakikunata yanapachun kullki tiyana kan.
PV/jc-kichwa
