Kay Comisión de Régimen Económico kullkimaruta rikuchishkata hapishpa, 83 apuchiwan, Mamallakta Tantanakuy 2016 watapak kullkita, 2016 -2019 watakunapak llankaykunata arinirka, manuypak saywarka. Kay arinishkakunaka Mamakamachiywan rikushpa, Mamallaktapi runakunapak mutsuyta rikushpa arinirka, ashtawankarin yachaypak, hampipak kanka.
Ista llaktamanta hatun kullki llakikuna chayamukpi, kay Ministerio de Finanzas kipaman ama llakita charinkapa, yaykurina kullkita ashayachishka, llankaykunapi tukuchinkapa 29.835 waranka hunu kullita arinirka, yallik watapak kullkita rikukpika 6.482 waranka hunu kullki urayashka, chay kullki churana kullkita, Mamallaktapak karana kullkita anchuchishka.
2016 watapak kullkika, Mamallakta manuta charishkata rikushpami kuskachishka kan, kayka 40% patsakri Producto Interno Bruto (PIB) kullkimanta mana yallinachu kan, chaytami Mallakta Tantanakuy rikuchin.
Kullki maruka punkara shuk mankata USD 35 dólar kullkipi katushkata tukuri killakunapi rikushpami shina churashka. Hatun kamachikkuna tukuchina kullkika, $ 25.700 waranka kullkimi sakirin -25% patsakrika PIB- kullkimanta shamun; kullki illak2.4% patsakri kan”.
Mamallaktapak hatun kullki tiyarinaka, Mamakamachiy, (COOTAD) kamachiypi tiksirishpami tiyarin, chayka Gobiernos Autónomos Descentralizados kamachikkunatami yanapan, shinami 21% punchanta yaykurin, shinallatak 10% patsakripash punchanta yakurin, kay kullkikunaka allpa ukupi tiyak chukikunata katushkamantami shamunka; Hatun Kamachikkuna, Karupi Kikinllatak Kamachikkunaman (GAD) churashka kullkipash kan. Kay kullkika 010, 047 kamachiykunapi churashkata hapishkami kan.
Kay kullkikunaka, Mamakamachiypi rikushpa kallarik, tiksi, pakta yachaypak churashka kullkikunami kan, Allikawsaypak kullkipashmi kan, hatun yachaypak churashka kullkipashmi kan.
RSA/pv/jc-kichwa
