Ista llaktakunapi warmipak llakita anchuchina 25 puncha, sasi killapi Mamallakta Tantanakuymi Campaña Únete rikuchina kuska karka, 16 punchata, “Pinta el mundo de naranja” llankayta ruranka, chayka Día Internacional de la Eliminación de la Violencia contra la Mujer shutita charinka, kay llankayka: El Salvador, Guatemala, República Dominicana, Venezuela, Ecuador llaktakunapi rikurinka. Kay yuyayka (ONU) tantarimantami rikurirka, runakunapi kay yuyayta churashpa allpapachapi mushuk yuyaykunata charinka.
Mamallakta Tantanakuypak shukniki kipapushak, Rosana Alvarado kamchik, Empresa Correos del Ecuador hatun pushak, Zoila Bedón kamachik, irpata kallarichirka, shuk yuyarina pankata killkarka, kamaywasipak ñawapakpi kayta aknarka. Yapa kay irpa pankakuna Ecuador llaktapak charimushka tiyak tukunka.
Mama Rosana Alvarado pichka Mamallaktakunawan tantarishpa, warmikunata takay llakita anchuchinkapa ñakarinka, kimsa sapsi irpata rikushpa Mirabal ñañakunata yuyarirka, paykunaka kunanshina puncha wañuchishka karka, paykunapak shutipi kunan puncha tukuy allpapachapi yuyarishka kashkata rikuchirka.
Shinallatak, warmikunapak takay llakika tukuy Mamallaktakunapi rikurishka runakunapak hatun llakimi kan nishpa willarka, Ecuador llaktapi Código Orgánico Integral Penal (COIP) kamachiyta arinishpa hatun tatkikunata rurashpa, kay kamachiyka warmi kashkamanta wañuchinatami harkan, shinami Código Civil kamachiyka, sawarinkapa 18 charinata riman, kay kamachiywanpash warmikunata takak llakita anchuchinata yanapan.
Paymanta, kay Empresa Correos del Ecuador, Zoila Bedón kamachik, kay Día Internacional de la Eliminación contra la Violencia de la Mujer puncha kashkamanta, kay llaktapi killkashka kamachiy kay llakita anchuchinka yanapakun nirka.
Kay Guatemala llaktamanta Correos, Telégrafos, Jaime Osorio kamachik, kay Unión Postal de América, España, Portugal llaktakuna yuyarishkata yanapan, allpapachaman uchilla wakakunata rikuchina nin, “pichka Mamallaktakunami warmita ama llakichichun mañakun, shinami allpapachaman Latinoamérica llaktakunaman kachanchik, warmikunapak hayñita ukllanchik nirka”.
Tukuchinkapa, kay Tecnologías de la Información y Comunicación, Alexandra Álava, warmikunata takayta anchuchinaka tukuy kari warmipak llankaymi kan nirka, kay uchilla wakata churanami warmikunapak takayta anchuchina kan nirka.
GC/pv/jc-kichwa
