Mamakamachiyta ishkaykutin atinakunkapa killkashkapi 158 nikita allichishka kan, kay kamachiywan Mamallakta awkita, tukuyta yapachun kay mushukyay paktachun kamanka.
Mama Gabriela Rivadeneira, Mamallakta Tantanakuyta pushakman Mamakamachiy mushukyay pankata chayachishka kan, “estado de excepción permanente” yuyaymanta karumi kan, ashtawankarin tukuy Mamallaktata, runakunata kamanka, shinallatak runakunapak hayñita sumaychashpa kamanka, chaytaka Fuerzas Armadas, Policía Nacional kamachikkunawan kimirishpa paktachinka.
Kunan Mamakamachiy mushukyayka, Mamakamachiypak 226 niki ukupimi kan, kay nikita katishpaka Mamallaktapak mitachikuna, awllikkuna, llankakkuna, kamachikkuna, runakuna allita kawsachun imashinami kay kamachiypi rimashkata katishpa paktachinka. Awkakunapash kay nikipi hapirishpami llankanka. Shinami Mamakamachiypi rimashka hayñikunata paktachinka. Mamallakta paypak llankaykunata shayachikpipash llaktakunata, runakunata llakta ukuman, kanchaman kamanka.
Shinami Mamallaktapak may mutsurik llankaykunata pakatchinka, kamachiywan llakichishka huchakunata kishpiychinkapa yanapanka, llaktayukkuna kay Mamallakta ukupi runakuna, tantarikuna alli kachun, kasilla kawsachun yanapanka Awkawan Chapakwan kimirishpa allita llankanka.
Ashtawankarin, Mamakamachiy mushukyayka kay Seguridad Humana de la Organización de las Naciones Unidas alli ñawiwan rikushkami kan, ista llaktakunapi wañuykunata, tantarishka shuwaykunata harkankapami shina alli rikuyta charin, chaytami Ayñi Ushayka rikunata charin. Amawta rikuykunawan rikushkami kan.
Kay minakshka tantaripi, Gabriel Rivera kamachiy killkak, “ Mamallaktapak allpata, awkita kamachiywan Ayñi Ushay kamanka nishpa riksichirka”, shinami tukuykuman willarka.
Minkashkakuna tukuy watapi, llaktayukkunawan rimankuy llankaymanta shukniki, ishakyniki atinakuymanta “integridad nacional” shutimanta “integridad territorial” shuti tiyarichun shuyanchik nirka. Shinami tukuy rimanakuypi atinakurkakuna.
JLVN/pv/jc-kichwa
