Kay Soberanía y Relaciones Internacionales minkashkata pushak, Fernando Bustamante, María Soledad Vela, Verónica Rodríguez kamachiy killkakkunantin, Guayas markaman rinka, chaypimi Movilidad Humana Hatun Kamachiyta runakunaman, kamachikkunaman rikschinka.
Kay rimankuy, Guayaquil kitipi, Mamallakta Tantanakuypak wasipi, wacha, 5 puncha, kapak killapi, 08:00 sayllamanta, 13:00 sayllakama tantarinka. Tukuyllakunatami kayashka kan. Chayman tantarishka purik runakuna, tantarikuna, llaktayukkuna, Purik Runapak kamachiyta riksinata munakkuna shamusha nishka.
Kay rimanakuykunawanmi runakunata riksishpa katichun, paykuapak yuyaykunata churachun mashkanchik, sumak rimaykunata hapishpa kallari atinakuypak killkata allichina kachun, shinami María Soledad Vela rimarka.
Warmi kamachiy killkak kamachiyka mushukyachikmi kan. Kay kamachiypika: purinamanta, runakunata pushanamanta, allpapachapi runakuna hawa, runakuna kishpiyrishka purina, ashtawankarin purik runakunapak hayñitami riman.
Mamakamachiy rimashkata katishpa kunanmi runakuna purichun hayñita riksin, mayhan runapash purik kashkamanta mana supaychashka kachun, kamachka kachunmi riksin. Kay riksinaka suyupi hatun unanchami tukun, purik runakunata mana alli rimay, rikuna tukurinmi. Kay rimaykuna amawtashina kanapash anchurinmi.
Shinallatak, istallaktamanta Ecuador llaktapi ashalla pachapak, uni pachata kawsanata nikinkuna, shinallatak Ecuador llaktapi kawsak runa kashkata riksin; kachanamanta tikramunatapash nikinmi; kayman chayamushka runakunata yanapanatapash riksinmi. Tukuyllapak kamaywasikuna purik runakunata allita rikuna, yanapana kanka.
JLVN/pv/jc-kichwa
