Kay Derechos de los Trabajadores minkashkapi, Kléber Arroyo kamachiy killkak, chay Trabajadores de los Hoteles Decameron-Mompiche llakita rikuk, ña suktak killamanta kay llankak wasi, tukuy Mamallaktapi 1500 llankakunapak hayñikunata pakishka nirka, Tampupi llankak 479 runakunata llakichishka nirka
Kay llakikunata rikuchishpa taripachun mañarka, chaywan ama hayñikunata pakichun nirka, kamarimanta, pakta kullkikunata mana kushka nirka.
Kay Marllely Vásconez tantaripak minkashka, shinallatak llakitami Santa Elena llaktapi kamaywasi rurashka rikuchirka, chaymantami Superintendencia de Compañías kamaywasiman, chaychu Hoteles Decameron kipurishka kashkata riksichichun mañarka, shinallatak kay Servicio de Rentas Internas churashka kullkita kushkata rikuchichun mañarka.
Shukmanta rikushpaka, minkashkakuna Patricio León kamachiywan yanapak, Perenco S.A llankak wasita minkashkaman 7, 21 yupay kuskapi llankashkata rikuchichun nirka, chayka Skanska, 2006, 2007 watakunapi, Skanska llankay wasipi llankashkamantami kan nirka, kamachiyta pakishpami llankashkamanta yapa kullkita mana kurka, kay mañayta Ministerio de Relaciones Laborales kamachikman rikuchishka kan.
Kay llakikuna hawa rikuk, Marllely Vásconez, minkashkata pushak, chay wanay pankakunata riksina kanka nishpa riman, kay llakikunata riksinkapa shuk taripayta ruranami mutsurin nirka.
JLVN/pv/jc-kichwa
