Kay Soberanía Alimentaria minkashka Tierras Rurales y Territorios Ancestrales mushuk kamachiyta arinirka, kay kamachiywan awki mikunata charinkapak, kapukkunata kanchaman katunkapa llaktaykunawan, hillaykunawan chayanata mashkan, sapi pukuyta mushukyachinkapa yanapan.
Kay kamachiyka tantarikunata, tarpuk llikakunata, mintalaykunata, mikunata rakina sinchiyachichun yanapanka. Shinallatak pakllakuna, kitikuna paktapakta kawsachun yanapanka. Kay kamachiywan llankayka tukuylla llaktaypak kallaripimi kanka.
Shuktak kamachiypak yuyayka charishka allpakunata, sapsi allpakunata utkashpa nikina, rakinami kan; kinkin allpata ayllukuna charichupash kan; tarpuna allpaman tukuykuna yaykurichunmi kan; wakcha runakunaman allpata tikrachichu yanapan. Shinallatak pakllapi kawsak runakunata, tantarikunata, tawkasami tarpuyta charinkapa tarpuypi yanapankapa allpata paktarakina, chaywan yanapayka kullkiwan ashtawan sinchiyana.
Kay allpakuna runakunata, pachamamata yanapana kan, pachamamata kamashpa tarpuykunata rurana; kay kamachiyka Mamamakachiypi rimashka tiksitami paktachin, chayta hapishpa hatun allpakuna, allpa shukpaklla makipi ama tiyachun riman. Shinallatak Mamallakta mañashkata paktachishpa tarpuna wanu allpa tiyachun kamana, mirachina.
Kay mushuk kamachiyka kullkita mañankapa, allpata paktapakta charinkapa, kapukkunata mirachinaka yanapan. Kay llankaykunataka tarpuk kamchikmi yanapanka, pakllakunapi allpa nikirichun, allita kamachun yanapan.
LM/pv/jc-kichwa
