Mamakamachiy mushukyayta, mama Gabriela Rivadeneira Mamallakta Pushak, kunanka chay Corte Constitucional kamaywasiman kachan nishpa willarka. Kay katillatak Registro Oficial wasipi killkakchinka nishpa riksichirka.
Kay arinishka hatun minka kan, kay Mamallaktapi may hatun wiñaykawsay unancha tukun. Mamakamachiy mushukyayta Mamallakata Pushak, Paktakay Kamachiykuna, Consejo de Participación Ciudadana, kamachiy killkakuna, marka kamak, kitipushak, shulka kunak kamachikuna yanaparka. 100 apuchiwan arininirka, hayñikunata yanapanka. Tukuy Mamallaktapi kawsak runakuna kuyurishpa 12 killa llankaypi llaktakunapi usharirka, shinami Mamallakta tantakuy pushak rimarka.
Mamallakta Tantanakuyta pushak, 24 markapi tantarikunata charirkanchik, 160 tantarikuna chaypi karka, chaypika 150 waranka runakuna rimanakuykunapi kachun charirkanchik nirka. Chay willaykunataka tawka willana hillaykunawan, tantarikunawan, pankakunawan achka runakunaman chayashka kan, hatun kitikunapi, uchilla shulkakunapi chayarkanchik nirka.
Mana washaman tikrana
Mamakamachiy shuk hatun kamachiymi kan. Shuklla mushukyachina hawa, Mamallakta, 180 punchata, kay Servicio Público kamachiy allichirinka, shinami hayñikuna mirarinata ushanka Runakuna arinikuchun shuyukunawan riksichishka kan. Shinallatak rimankuy patakuman kayachin, chay llankakkuna, tantarikuna kamachikkuna, runakunata riksichun tantarikunata ruran.
Shinami tukuy llaktakunaman kay Mamakamchiy mushukyana hawa, kay killakunapi rikshchispa shamushka, chay Mamallakta Tantanankuy ukupi tawkakuna apuchishpa churan.
LM/pv/jc-kichwa
