Llaktayukkuna, tantarishka purik runakuna, tikramushkakuna, shuktak llaktaman yaykurikkuna, istallakta yanapachun munakkuna, purik runakunaman mitachita mañachikkuna Movilidad Humana kamachiyta Mamallakta Tantanakuy arinichun rimakuyta charirka.
Kay tantaripika muyurik100 runakuna karka, paykunapak kawsaymanta yuyaykunata churarka, kay kamachiy alli killkarichun yanaparka. Llaktayukkunapash kay mushuk kamachiyta alli rikuyta kurkakuna, kunanka Mamakamachiypi rimak hayñikunatami paktachin, Mamallaktapura saywapi kawsak runakunata yanapanka.
Kay llankayka Linda Machuca kamachiy killkak rikuchishkawan kallarirka, paymi kay kamachiyta killkay kallarirka, kay Relaciones Internacionales minkashkaman yaykurishkami kan. Kipaman kay runakunaka kimsa rimanakuna patakupi tantarirka, chaytaka Raúl Tobar, Linda Machuca, Milton Gualán kamachiy killkkuna pusharka, chaypimi tantarikuna, runakuna, kamachikkuna paykunapak yuyayta churarka, chaytami hapishka karka, chaywan kamachiy alli killkarinka.
Kamachiy killkak Linda Machuca, “purik runakunapak yachaymi kay kamachiy killkarichun yuyaykunata hatunyachin nirka, kipaman paykunapak llakita allichichun yanapanka”.
Kamachiy killkakkuna chay Santo Domingo de los Tsáchilas llaktamanta llaktayukkunata kayan, shamuk chaska, 11 puncha, kapak killa SECAP wasipi, Santo Domingo kitipi pusharinka.
JC-kichwa
