Kamachiy killkak Carlos Viteri Gualinga, Biodiversidad llankayta pushak, iberoamericanos llaktakunapak 50 amawtakunapak ukupimi taririn, 2015 watapi hatun runakunapak ukupimi kan”. Kay global panka ukupimi tawka amawta yachak panka ukupi killkarka, chaykunaka: amawta, taki, runayachay, makiruray, tawkasami yachay. Akllashka runakunaka iberoamericano, internacional llaktakunaman kimirishkami kan.
Kay killkapika, runamanta yachak kamachiy killkakta shutichishkami kan, sinchi runa, Mamallakta Tantanakuypak ukupi llankakmi rikurishka. Carlos Viteri runaka Sarayaku llaktamanta, (Pastaza markamantami kan), paymi “Sumak Kawsay” rimayta churarka (1993), chaypi hapirishpa sumak kawsayman chayana yuyayta rikuchirka- ñawpa yachaymantami pushamun, llaktakuna kuyanakushpa kawsanatami rikuchin, pachamamawan pakta kawsan- chincha yuyaywan, puna yuyaywan, pachamamapi wiñariyna yuyayawan takarin.
Paypak yuyayka Banco Interamericano de Desarrollo (2002-2009) kamaywasiman pusharka, chaypi yachayka runakunawan, runa llaktakunawan América Latina, Caribe llaktakunam llankatrka, Washington (EE.UU) llankarkakuna.
Kay 80 watapi, Organización de Pueblos Indígenas de Pastaza tantarita -Confederación de Nacionalidades Indígenas de la Amazonía tantarita, Confederación de Nacionalidades Indígenas del Ecuador tantarikunata yanaparka.
Kay 2009 watapi, chay Instituto para el Ecodesarrollo Regional Amazónico (ECORAE) kamaywasipak hatun pushak Carlos Viteri tukurka, chayka Puyo llaktapi, chaywan 500.000 llaktayukkuna sapsi hayñiwan yanaparirka, kawsay llankay ñanwan, Circunscripciones Territoriales Indígenas (CTI) katikuypi karka.
Pay yachaykunawan Ministerio del Ambiente, UNICEF, Instituto de Investigación Social de América Latina, kamaywasikunawan, 1997 watamanta-2007 watakama yanaparirka.
Kunanka kamachiy killkakmi kan, Biodiversidad y Recursos Naturales minkashkata pushak, kay Código Orgánico del Ambiente kamachiyta pushakun, Mamakamachiypi rimashka pachamamapak hayñita ukllana hawa pushakun.
Kay Esglobal español shimipi killakashka kan, yuyayta kushkata, willayta allinta rikun, España llaktapi, Portugal pushak, América Latina llaktakuna hawa riman.
JC-kichwa
