Kay Soberanía, Integración, Relaciones Internacionales y Seguridad Integral minkashka, 130 llaktayukkunawan, runakuna, 15 runa tantarikunata pushak, Santo Domingo llaktapi kay Movilidad Humana Hatun kamachiyta atinakurka.
Kamachiy killkakkuna Linda Machuca Dora Aguirre, minkashkaman yaykurishkakuna, kamachiyta pushakkuna, kamachiy killkak Mary Verduga, chay Santo Domingo llaktapak shutimanta shamuk kamachiy killkak, kamachiy killak Diana Moreno Europa, Asia, Oceanía llaktakunapak shutipi llankak, kay kamachiyta riksichinapi llankan, kallaripika kay kamachiy imashina purik runakunata yanapanamanta riksichirka.
Chaypi kak runakuna kimsa patakupi rakirishpa rimarirkakuna, chaypimi mushuk kamachiypi rikushka paykunapak yachayta rakirka. Tikramushka runakunaka mushuk kamachiy rimakta riksichirka, kullki yanapayta charinkapa llakita charishkata riksichirka, minkashkakuna chay llakita allichichun mañarka, shina mushuk nishkata paktachichun nirka.
Ista llaktamanta runakuna, ashtawanrin istallaktakuna ukllachun mutsukkuna tsikni llakita charishkamanta willarkakuna, istallakta llaktayukkuna tukuchun yachaykunata kuchun nirka, shina Ecuador llaktapak Mamakamachiyta paktachinka nirka. Shinallatak, Ecuador llaktamanta runakuna yanapashpa chaskichun may sumakmi kanka nirka.
Kamachiy killkak Linda Machuca Moscoso “kay mushuk yuyaykunaka minkashkakuna allichishka kanka, mushuk kamachiyta yanapanka”.
Paymanyta Dora Aguirre kamachiy “ mushuk kamachiyta rimanakuy tantarikunata purik runakuna yuyayta kushpa, paykuna mutsuykunata riksichirka, kaykunami minkashka rimanakuypak alli kanka”.
Kayman shamuk kamachikkuna Doris Merino, Santo de los Tsáchilas markamanta, Andrea Maldonado marka pushak, marka kamachik rimarkakuna. Shinallatak Walter Andrade, kitipushak karka.
JC-kichwa
